પોરબંદર નગરપાલિકાની વોર્ડ નં-૩ પેટા ચૂંટણી માટે ત્રણ ફોર્મ ભરાયા

પોરબંદર: જિલ્લાના સબ ડિવિઝનમાં નગરપાલિકા વોર્ડ નં-૩ની પેટા ચૂંટણી માટે તા 7/7 ના રોજ મતદાન યોજાનાર છે. જેમાં ભાજપ, કોંગ્રેસ અને અપક્ષના એક-એક ઉમેદવારો મળી કુલ 3 ફોર્મ ભરાયા છે.

પોરબંદર વોર્ડ નં-૩ સામાન્ય બેઠક પેટા ચૂંટણી માટે આજે ફોર્મ ભરવાની છેલ્લી તારીખે પોરબંદર નગરપાલિકા ના વોર્ડ નં -3ની ચૂંટણીમાં દિલીપભાઈ ઓડેદરાએ ભાજપ, કેતન રાઠોડે કોંગ્રેસ અને લાભુબેન પાંડાવદરાએ અપક્ષમાં ફોર્મ ભર્યા છે. ફોર્મ પરત ખેંચવાની તારીખ 25/06 છે. તેવુ જિલ્લા પ્રાંત અધિકારીએ જણાવ્યું હતું.

ઉલ્લેખનીય છે કે પોરબંદર નગરપાલિકાના વોર્ડ નં 3ના કાઉન્સિલર રમેશભાઈ ઓડેદરાનું બીમારીના કારણે અવસાન થવાથી આ બેઠક ખાલી પડી હતી. જેથી આ પાલિકાની આ બેઠક પર ફરીથી 7/7 ના રોજ ચૂંટણી જાહેર કરાઈ છે. જેમાં ભાજપ અને કોંગ્રેસ દ્વારા આ બેઠક મેળવવા માટે પ્રયત્નો હાથ ધર્યા છે.