પોરબંદરઃ જિલ્લામાં મહિલા પોલીસ સ્ટેશનમાં પોલીસ ઇન્સ્પેક્ટર તરોકેની ફરજ બજાવતા હરેશભાઇ લાભુભાઈ આહીર બાળપણમાં તરવાનો શોખ હતો, અમદાવાદમાં તેઓ જલતરંગ નામની સ્વીમીંગ ક્લબમાં જોડાયા હતા અને તેઓને સ્વીમીંગક્ષેત્રમાં વિવિધ સ્પર્ધાઓમાં ભાગ લેવાની શરૂઆત કરી હતી, ધોરણ-12માં અભ્યાસ કરતા કરતા તેઓએ અનેક સ્વીમીંગ સ્પર્ધાઓમાં વિજેતા બન્યા હતાં. જેમાં જલતરંગ કલબની હરીફાઈઓમાં ગાંધીનગરમાં ઇન્ટરકોલેજ સ્વીમીંગ સ્પર્ધામાં સ્ટેટ લેવલે દ્વિતીય ક્રમાંક પ્રાપ્ત કર્યો હતો.
મળો એવા પોલીસ ઇન્સ્પેક્ટરને જે આંતરરાષ્ટ્રીય કક્ષાની રમતના છે વિજેતા
પોલીસની નોકરી એવી છે કે, જેમાં સતત લોકોની સેવામાં રહેવું પડે છે અને પોલીસની નોકરી કરતા અમુક પોલીસ કર્મચારીઓ એવા પણ છે, જેઓએ તેમના શોખ માટે અલગ અલગ ક્ષેત્રોમાં સફળતા પ્રાપ્ત કરી હોય. પોરબંદરના એક પોલીસ ઇન્સપેક્ટર બાળપણથી જ તરવાનો શોખ ધરાવતા હતા અને આજ સુધીમાં તેઓએ અનેક સ્વીમીંગ કોમ્પિટિશનમાં ભાગ લઈને વિનર બન્યા છે.
મળો એક એવા પોલીસ ઇન્સ્પેક્ટરને જેઓ એ આંતરરાષ્ટ્રીય કક્ષાની તરણ સ્પર્ધાઓમાં બન્યા છે વિજેતા
પોલીસની નોકરી મળતા 8 વર્ષ સુધી અન્ય શહેરોમાં સ્વીમીંગ પુલ ન હોવાથી બ્રેક રાખવી પડી હતી અને પછી ગુજરાત રાજ્ય દ્વારા ખેલ મહાકુંભની શરૂઆત થઈ, જેમાં સ્વીમીંગ સ્પર્ધામાં ભાગ લેવાનું શરૂ કર્યું અને પાલનપુર ખાતે યોજાયેલ સ્વીમીંગ કોમ્પિટિશનમાં પ્રથમ આવ્યાં હતા, ત્યારબાદ આ સિલસિલો યથાવત રાખતા દર વર્ષે અલગ અલગ કક્ષાએ વિજેતા બન્યા છે અને 2017માં ન્યૂઝીલેન્ડ ખાતે યોજાયેલ વર્લ્ડ માસ્ટર ગેમ્સમાં સ્વીમીંગ કોમ્પિટિશનમાં 50 મીટર ફ્રિ સટાઇલમાં ચોથો ક્રમાંક મેળવ્યો હતો. હાલ પોરબંદરમાં શ્રીરામ સ્વીમીંગ કોમ્પિટિશનમાં યોજાયેલ 2 કીમીની ઓપન પોરબંદર તરણ સ્પર્ધામાં ત્રીજું સ્થાન પ્રાપ્ત કરતા પોલીસ સ્ટાફ અને મિત્ર વર્તુળમાંથી શુભેચ્છાઓ મળી રહી છે.
મળો એક એવા પોલીસ ઇન્સ્પેક્ટરને જેઓ એ આંતરરાષ્ટ્રીય કક્ષાની તરણ સ્પર્ધાઓમાં બન્યા છે વિજેતા