પોરબંદરમાં યોજાયું ફોટોગ્રાફી પ્રદર્શન, જુઓ અદ્ભુત તસ્વીરો

પોરબંદરઃ જિલ્લામાં આવેલા મહારાણા નટવરસિંહજી આર્ટ ગેલેરી ખાતે પોરબંદરના યુવાનનું ફોટોગ્રાફી પ્રદર્શન યોજાયું હતુ. ભારતના વિવિધ શહેરોની સંસ્કૃતિ અને કુદરતી સૌંદર્યને કેમેરામાં કેદ કરી અદ્ભુત ફોટોગ્રાફી રજૂ કરતું આ પ્રદર્શન જોવા અનેક લોકો આવ્યા હતા.

પોરબંદરમાં મહારાણા નટવર સિંહજી આર્ટ ગેલેરી ખાતે અનેકવાર પ્રદર્શન યોજાય છે. આ પ્રદર્શનમાં ફોટોગ્રાફર દીપેન જુંગીએ કરેલી અદ્ભુત ફોટોગ્રાફીથી લોકો આશ્ચર્ય થઈ ગયા હતા. લોકોએ પણ આ કળાની કદર કરી સરાહનીય કાર્ય ગણાવ્યું હતું. દીપેન જુંગીની ફોટોગ્રાફીમાં વિવિધ પ્રદેશની પ્રાદેશિક જીવન શૈલીની ઝલક જોવા મળી હતી.

દીપેન જુંગીએ અનેક ફિલ્મ કલાકારોની પણ ફોટોગ્રાફી કરી રહ્યા છે. જેમાં અમિતાભ બચ્ચન સહિત માધુરી દીક્ષિત જેવી અભિનેત્રીઓનો પણ સમાવેશ થાય છે. પોરબંદરમાં શનિવાર અને રવિવારે યોજાયેલા આ પ્રદર્શન મોટી સંખ્યામાં લોકોએ નિહાળ્યું હતું.