મુંબઇથી પોરબંદરમાં આવેલ વ્યક્તિનો કોરોના રિપોર્ટ પોઝિટિવ

મુંબઇથી પોરબંદરમાં આવેલા એક વ્યક્તિનો કોરોના રિપોર્ટ પોઝિટિવ આવ્યો છે. જે ગોસા ગામના વતની છે.

પોરબંદરઃ તાજેતરમાં મુંબઈથી આવેલા 11 લોકોમાંથી એક વધુ કોરોના રિપોર્ટ પોઝિટિવ આવ્યો છે. ટુકડા ગોસાના વતની 50 વર્ષીય આધેડનો રિપોર્ટ કોરોના પોઝિટિવ આવ્યો છે. પોઝિટિવ દર્દી અંગે હોસ્પિટલમાંથી મળેલ માહિતી મુજબ, તેઓ 24 મેના રોજ મુંબઇથી ઇનોવા કારમાં આવ્યા હતાં અને તેઓને ડિસ્ટ્રિક્ટ ક્વૉરન્ટાઈનમાં રાખવામાં આવ્યાં હતાં.

હરસુખ હરજીભાઈ ટુકડીયા નામના 40 વર્ષીય પુરૂષની ટ્રાવેલ હિસ્ટ્રી મુંબઈથી ટુકડા ગોસા તરફ આવતા હોવાનું જાણવા મળ્યું છે. તેમની સાથે અન્ય 11 લોકો પણ આવ્યાં હતા. જેની પણ તપાસ આરોગ્ય વિભાગ દ્વારા કરવામાં આવી રહી છે.