ગત ડિસેમ્બરમાં ત્રીજા ચરણમાં 95 દર્દીઓને નિષ્ણાતો દ્વારા તૈયાર કરાયેલી અ- ક્ષય કિટનું વિતરણ કરવામાં આવ્યું હતું. તે પૈકીના ઘણા દર્દીઓને દવા તેમજ પૌષ્ટિક આહારનો ઉપયોગ વધવાથી દર્દીઓનું વજન વધ્યું અને રોગમાંથી મુક્ત બન્યા.
આ કાર્યક્રમની શરૂઆત રો. રોહિત લખાણીએ પ્રાર્થનાનું વાંચન અને સેક્રેટરી જીતેન ગાંધીએ રોટરીની ચાર મુદાની કસોટીનું વાંચન કર્યા બાદ થયું હતું. રોટરી ઇન્ચાર્જ પ્રમુખ રો. જીજ્ઞેશ લાખાણીએ મહેમાનોનું શબ્દોથી સ્વાગત કર્યું હતું.
રો. ડૉ. જયદીપ લાખાણીએ આહારની ઉપિયોગીતા અને તેમાં રહેલા લાભથી દર્દીઓ જલ્દીથી રોગ મુક્ત થાય તે અંગે જણાવ્યું હતું. જેમાં પ્રથમ તબક્કામાં 105 દર્દીઓને કીટ વિતરણ કરી, ત્યારબાદ બીજા તબક્કામાં 127 દર્દીઓને અને ત્રીજા તબક્કે 95 અને 100 દર્દીઓને કીટ વિતરણ કરવામાં આવ્યું હતું.
આ કાર્યક્રમમાં શહેરના કારિયાણાં એસોસિએશનના પ્રમુખ જયેશભાઇ પોપટ, અનિલભાઈ કારિયા, દિલીપભાઈ ગાજરા, ડૉ.પુષ્પાબેન દાયલણી, કમળાબેન કોટેચા વગેરે મહાનુભાવો ઉપસ્થિત રહ્યાં હતા. આ કાર્યક્રમની સફળતા તેમજ કીટના દાતાઓનો વિશેષ આભાર રોટરી ક્લબના જયેશભાઇ પતાણીએ માન્યો હતો. આ કાર્યક્રમને સફળ બનાવવા ડૉ. કૌશિક પરમાર, પ્રીતેશ લાખાણી, અશ્વિનભાઈ સવજાણી, જય કોટેચા, હર્ષિતભાઈ રૂઘાણી, જે.પી ગોસ્વામી વગેરે મિત્રોએ તેમજ જિલ્લા ટી.બી. કેન્દ્રના સ્ટાફ સભ્યોએ જહેમત ઉઠાવી હતી.