પોરબંદર રેલવે સ્ટેશન પર તારીખ 25-7-2019 ના રોજ પ્લેટફોર્મ નંબર એક પર એક મહિલા બે બાળકો સાથે જોવા મળી હતી. જે મહિલા ગુમ થયેલ હોવાનું તે જ રેલ્વે સ્ટેશન પર પોસ્ટર લાગ્યું હતું. જેના પરથી પોલીસને ખબર પડતા તાત્કાલીક આ મહિલાને પોલીસ સ્ટેશન લાવ્યા હતા અને પોલીસ સ્ટાફ દ્વારા વધુ પૂછપરછ કરાઈ હતી.
જેમાં આ મહિલા મધ્યપ્રદેશના ધાર જિલ્લાના પ્રિતમપુર ગામના રામ મંદિરના પૂજારીની પત્ની હોવાનું જણાવ્યું હતું અને તેનો સંપર્ક કરી આજે મધ્યપ્રદેશની સીમા ઠાકુર ઉંમર 35 આચલ ઠાકુર ઉંમર- 7 વર્ષ અને રામ ઠાકુર ઉ-2 વર્ષનું, પતિ અંકુર ઠાકુર સાથે મિલન કરાવ્યું હતું.
દોઢ મહિનાથી ખોવાયેલ પત્ની અને બાળકોનું પતિ સાથે મીલન અંકુર ઠાકુર મધ્યપ્રદેશના ધાર જિલ્લામાં પ્રિતમપુર ગામે આવેલ રામ મંદિરના પૂજારી છે. તેવું જણાવ્યું હતું દોઢેક મહિના પહેલા તેની પત્ની સાથે ઝઘડો થતા તેની પત્ની તેના બાળકો સાથે ચાલી ગઈ હતી. જેથી પત્નીને શોધવાની કોશિશ કરી હતી. પોલીસમાં ફરિયાદ પણ દાખલ કરી હતી. જ્યારે થોડા દિવસો પહેલા પત્નીએ અન્ય લોકો પાસેથી ગુજરાતથી ફોન કર્યો હતો.
જેથી ગુજરાતનું લોકેશન મળતા મધ્યપ્રદેશથી પતિએ ગુજરાત આવી ગુમ થયાના પોસ્ટર છપાવ્યા અને દરેક રેલવે સ્ટેશન પર લગાવ્યા હતા. જ્યારે પોરબંદરના જ રેલવે સ્ટેશનમાં આવેલ મંદિરના સેવાભાવી તુલસીભાઈ પણ તેની મદદ કરી હોવાનું જણાવ્યું હતું અને તુલસીભાઈએ પણ તેની પત્ની મળી ગઈ છે તેવા સમાચાર ફોનથી આપ્યા હતા. આમ તમામ લોકો સહિત પોલીસ સ્ટાફનો પણ અંકુર ઠાકોરે આભાર માન્યો હતો.
