પોરબંદર જિલ્લા અને તાલુકા પંચાયત તથા નગરપાલિકાના મતદાર મથકોની યાદી જાહેર
રાજ્ય ચૂંટણી આયોગ ગાંધીનગરના સંદર્ભના આદેશથી આગામી તાલુકા, જિલ્લા પંચાયત સામાન્ય ચૂંટણી 2020ને લઈ પોરબંદર જિલ્લા પંચાયત અને તાલુકા પંચાયત અને નગરપાલિકાના મતદાર મથકોની યાદી જાહેર કરવામાં આવી છે.
porbandar
પોરબંદરઃ રાજ્ય ચૂંટણી આયોગ ગાંધીનગરના સંદર્ભના આદેશથી આગામી તાલુકા, જિલ્લા પંચાયત સામાન્ય ચૂંટણી 2020, પોરબંદર જિલ્લા પંચાયત તથા પોરબંદર/કુતિયાણા/ રાણાવાવ તાલુકા પંચાયતોની ચૂંટણીમાં ઉપયોગમાં લેવાના મતદાન મથકોની યાદી જિલ્લા પંચાયત કચેરી, તાલુકા પંચાયત કચેરી, તથા દરેક ગ્રામ પંચાયત કચેરીએ તથા દરેક મતદાર મંડળમાં પ્રસિદ્ધ કરાયેલી છે.
આ ઉપરાંત રાજ્ય ચૂંટણી આયોગ ગાંધીનગરનાં સંદર્ભનાં આદેશથી નગરપાલિકા સામાન્ય ચૂંટણી 2020ના કામે ઉપયોગમાં લેવાના મતદાન મથકોની યાદી પોરબંદર-છાંયા નગરપાલિકા સામાન્ય ચૂંટણીમાં ઉપયોગમાં લેવાનાર મતદાન મથકોની યાદી મતદાર નોંધણી અધિકારી અને મામલતદાર પોરબંદર (શહેર) તથા મદદનીશ મતદાર નોંધણી અધિકારી તથા ચીફ ઓફીસરની કચેરીએ તથા દરેક વોર્ડમાં મતદાન મથકો અંગે પણ માહિતી જાહેર કરવામાં આવી છે.