તારક મહેતા ફેમ ચાલુ પાંડેએ પોરબંદરવાસીઓને શુ કહ્યું જાણો !

પોરબંદરઃ શહેરના રિઝવાન આડતિયા ફાઉન્ડેશન દ્વારા રિઝવાન આડતિયાના 50માં જન્મદિવસની ઉજવણીના ભાગરૂપે વિજય મદ્રેસા ગર્લ સ્કૂલ ખાતે સર્વરોગ નિદાન કેમ્પનું આયોજન કરવામાં આવ્યું હતું. આ કાર્યક્રમમાં 'તારક મહેતા કા ઉલ્ટા ચશ્મા' સિરિયલમાં પોલીસનો રોલ ભજવતા ચાલુ પાંડેએ પણ હાજરી આપી હતી, જેમને જોવા માટે લોકોની ભીડ જામી હતી.

રિઝવાન આડતિયા ફાઉન્ડેશન દ્વારા યોજાયેલ સર્વરોગ નિદાન કેમ્પમાં ફિઝિશિયન, જનરલ સર્જન ,આંખના સર્જન ચામડીના રોગ બાળરોગ સહિત વિવિધ રોગોના નિષ્ણાંત ડૉક્ટરોએ પોતાની સેવા આપી ઉમદા કાર્ય કર્યું હતું. આ પ્રસંગે ઉપસ્થિત કલાકાર ચારૂ પાંડે જણાવ્યું હતું કે, કોઈ પણ સ્વાર્થ વગર અમે અહીં આવ્યા છીએ અને રિઝવાન આડતીયાના જન્મદિવસે આ ઉમદા કાર્યમાં સહભાગી થવાનો મોકો મળ્યો છે. ત્યારે ગાંધીજીની પવિત્ર જન્મભૂમિ પર લોકોને સંદેશો આપતા જણાવ્યું હતું કે, જાતિ કે જ્ઞાતિના ભેદભાવ વગર લોકોની મદદ કરવી અને એકબીજા સાથે હળીમળીને પ્રેમથી સાથે રહેવું જોઈએ. તદ્ઉપરાંત સ્વચ્છતા અભિયાનનું પાલન કરવા માટે આપણએ સૌ લોકોએ પોતાના ઘરથી જ શરૂઆત કરવી જોઈએ.

રિઝવાન આડતીયા ફાઉન્ડેશન તથા JCI પ્લસ દ્વારા પોરબંદરના દેગામ ગામ ખાતે 'ગામડાના સુર' નામની સ્પર્ધાનું આયોજન પણ કરવામાં આવ્યું હતું. જેમાં ૧૫ વર્ષથી ઉપરના અને ૧૫ વર્ષથી નીચેના કલાકારોએ ભાગ લીધો હતો. અનેક લોકોએ આ કાર્યક્રમમાં ભાગ લઇ કલા દાખવી શ્રોતાઓને મંત્રમુગ્ધ કરી દીધા હતા. આ પ્રસંગે રિઝવાન આડતીયા ફાઉન્ડેશનના રિઝવાન આડતિયા પણ ઉપસ્થિત રહ્યા હતા અને JCI પોરબંદર પ્લસના લાખણશીભાઈ ગોરાણીયા તથા તેમની ટીમ પણ હાજર રહી હતી. સાથે જ વિજે મદ્રેસા સ્કૂલના ફારૂકભાઇ સુર્યા સહિત મોટી સંખ્યામાં લોકો ઉપસ્થિત રહ્યા હતા.