પાટણમાં જિમ સેંટરના સંચાલકોએ પ્રાંત કચેરીમાં આવેદનપત્ર આપ્યું

પાટણમાં આવેલા જિમ સેન્ટરોને સરકાર ની ગાઈડલાઈન મુજબ આંશિક નિયંત્રણો સાથે પુનઃ ચાલુ કરવાની મંજૂરી આપવામાં આવે તેવી માંગ સાથે ગરુવારે જિમ સંચાલકોએ પ્રાંત કચેરી ખાતે આવેદન પત્ર આપી રજુઆત કરી હતી.

• જિમ સંચાલકોએ આપ્યું આવેદનપત્ર
• કોરોનાની બીજી લહેરને કારણે બે મહિનાથી જિમ બંધ છે
• જિમ બંધ રહેતા આર્થિક સંકળામણની પરિસ્થિતિ ઉભી થઈ

પાટણ: કોરોનાકાળ ને પગલે તમામ ધંધા-રોજગાર ઉપર માઠી અસર થવા પામી છે. ત્યારે પાટણમાં જિમ સેંટર ચલાવતા સંચાલકો એ પણ કોરોના ની બીજી લહેર ને ધ્યાનમાં રાખીને છેલ્લા બે મહિનાથી સરકારના આદેશ મુજબ જીમ બંધ રાખ્યા છે. કોરોના કેસમા ઘટાડો થતા સરકારે તમામ ધંધાઓને આંશિક રાહત આપી છે પણ જીમ ખોલવાની મંજૂરી નથી આપી જેના કારણે જીમ સંચાલકો દ્વારા આવેદન પત્ર પ્રાંત કચેરીમાં આપવામાં આવ્યું હતું.

આ પણ વાંચો : ગુજરાતમાં કોરોના વાઇરસની મહામારીને કારણે ટ્રાવેલ્સના ધંધામાં કરોડોનું નુકસાન

ગાઈડલાઈન હેઠળ જીમ ખોલવાની મંજૂરી માગી

છ મહિના અને ચાલુ વર્ષે બે મહિનાથી જીમ સેન્ટરો બંધ રહેતા હવે આર્થિક સંકળામણની પરિસ્થિતિ ઊભી થવા પામી છે. જીમ સંચાલકોએ જીમ ચાલુ કરવા સરકાર મંજુરી આપે તેવી માગ કરી છે. જે રીતે સરકાર એક પછી એક ધંધા રોજગારને છૂટ આપે છે તેવી જ રીતે જીમ શરૂ કરવા ગાઈડ લાઈન બહાર પાડે તેવી માગ સાથે જિમ સંચાલકોએ પ્રાંત કચેરીમાં આવેદનપત્ર આપ્યું હતું.

આ પણ વાંચો : ગોધરામાં જાહેરનામું ભંગ કરી જિમ ચાલવાત સંચાલક પર પોલીસે કરી કાર્યવાહી