પડતર પ્રશ્નોના મુદ્દે પાટણના રેવન્યુ કર્મચારીઓનું વિરોધ પ્રદર્શન

પાટણઃ પાટણના મહેસુલ કર્મચારીઓએ પોતાની વિવિધ પડતર માગણીઓ અંગે સરકાર સામે બાંયો ચઢાવી છે. કર્મચારીઓએ ક્લેકટર કચેરીએ સુત્રોચ્ચાર કરી વિરોધ પ્રદર્શીત કર્યો હતો.

પાટણમાં મહેસુલ વિભાગમા ફરજ બજાવતા 96 નાયબ મામલતદાર, 82 ક્લાર્ક, રેવન્યુ તલાટી સહીતના કર્મચારીઓ છેલ્લા કેટલાક દિવસ થી પોતાના પડતર પ્રશ્નો સંદર્ભે રજુઆત કરી રહ્યા હતા. તેમની વિવિધ માગણીઓ જેવી કે, ક્લાર્ક કર્મચારીઓને પ્રમોશન આપવુ, બઢતીમાં 1:1 નો રેશિયો રદ કરવો વગેરે માગો ન સંતોષાતા સોમવારે આ કર્મચારીઓએ ક્લેકટર કચેરી ખાતે વિરોધ પ્રદર્શન કર્યો હતો. કર્મચારીઓએ કામગીરીથી અળગા રહી સુત્રોચ્ચાર સાથે આક્રોશ ઠાલવ્યો હતો.

આ ઉપરાંત માગણીઓ નહીં સ્વીકારાય તો અચોક્કસ મુદ્દત ની હડતાળ પર ઉતારવાની ચીમકી ઉચ્ચારી હતી આ કર્મચારીઓ એ બઢતી બદલી સહિત જુદા જુદા 17જેટલા પાયાના પ્રશ્નો ત્વરીત ઉકેલવા રજુઆત કરી હતી.