પાટણઃ હેમચંદ્રાચાર્ય ઉત્તર ગુજરાત યુનિવર્સિટીમાં છ વર્ષ અગાઉ નિર્માણ કરવામાં આવેલ 4 જેટલા બાંધકામના કામોમાં ગેરરીતિ થઇ હોવાના આક્ષેપો મામલે યુનિવર્સિટીના તે સમયના મદદનીશ ઇજનેર સામે ચાર્જશીટ કરવામાં આવી હતી. જે અંગે તેઓએ હાઇકોર્ટમાં પિટિશન દાખલ કરતાં કોર્ટે સ્ટે આપ્યો હતો. ત્યારબાદ આ તપાસ પૂર્ણ કરવા કોર્ટે આદેશ કરતા યુનિવર્સિટી દ્વારા ફાઇનલ તપાસ માટે બે સભ્યોની કમિટી રચી તપાસ સોંપાતા તપાસ અધિકારી દ્વારા તપાસ ( Patan University Corruption Investigation ) પૂર્ણ કરાઈ છે. તેનો રિપોર્ટ આગામી દિવસોમાં યુનિવર્સિટીને સુપરત કરાશે.
આક્ષેપો મામલે યુનિવર્સિટીના તે સમયના મદદનીશ ઇજનેર સામે ચાર્જશીટ કરવામાં આવી હતી કૌભાંડ શું હતું?
પાટણ હેમચંદ્રાચાર્ય ઉત્તર ગુજરાત યુનિવર્સિટીમાં 2015-16 માં નિર્માણ કરાયેલ કન્વેન્શન હોલ, આર્કિટેક ભવન, સિલ્વર જ્યુબલી પાર્ક, અને ગેસ્ટ હાઉસના કરોડો રૂપિયાના બાંધકામમાં ટેન્ડરની રકમ કરતાં પાંચ કરોડ રૂપિયા વધુનું ચુકવણું કોન્ટ્રાક્ટરને કરવામાં આવ્યું હોવાના કૌભાંડનો પર્દાફાશ ( Patan University Corruption Investigation ) થયો હતો. જેને લઇને તે સમયે યુનિવર્સિટીની કારોબારી સમિતિએ તપાસ સમિતિ રચના કરી તપાસ સોંપી હતી જેમાં નિવૃત્ત મુખ્ય સચિવ પી. કે. લહેરીની સમિતિએ (P K Laheri Investigation Committee) તપાસ કરી યુનિવર્સિટીને તપાસ રિપોર્ટ સોંપ્યો હતો જેમાં બાંધકામમાં હલકી ગુણવત્તાનું કામ થયું હોવાનું તેમજ ટેન્ડરમાં દર્શાવ્યા મુજબ કામ પૂર્ણ કર્યું ન હોવાનું સામે આવ્યું હતું.
મદદનીશ ઇજનેરને ચાર્જ શીટ અપાઈ હતી
આ મુદ્દાને લઈને યુનિવર્સિટી દ્વારા મદદનીશ ઇજનેર કિરીટ ગજ્જરને ચાર્જ શીટ આપવામાં આવી હતી. આ મુદ્દાને લઈને મદદનીશ ઇજનેરે 10 જુલાઈ 2017 ના રોજ નામદાર હાઇકોર્ટમાં પિટિશન દાખલ કરતા કોર્ટે તે સમયે આ બાબતે કંઈ ન કરવા સ્ટે આપ્યો હતો. ત્યારબાદ જુલાઈ 2021ના રોજ કોર્ટે આ બાંધકામોમાં થયેલા ભ્રષ્ટાચાર મામલે તપાસ પૂર્ણ કરવા યુનિવર્સિટીને આદેશ કર્યો હતો. જે આદેશને પગલે યુનિવર્સિટી દ્વારા ફાઇનલ તપાસ માટે બે સભ્યોની તપાસ સમિતિની રચના કરી તપાસ સોંપવામાં ( Patan University Corruption Investigation ) આવી હતી. જેમાં તપાસ અધિકારી ગોકુલ ગ્લોબલ યુનિવર્સીટીના પૂર્વ કુલપતિ એચ.એન ખેર અને લીગલ એડવાઈઝર જે કે દરજી દ્વારા આ મુદ્દાને લઈને યુનિવર્સિટીમાં તપાસનો ધમધમાટ શરૂ કરવામાં આવ્યો છે.
આ પણ વાંચોઃMarks Improvement Scam : HNGUમાં MBBSના ગુણ સુધારણા કૌભાંડની ચાર્જશીટ મામલે કારોબારીએ કુલપતિનો જવાબ ફગાવ્યો
તપાસ રિપોર્ટ યુનિવર્સિટીને સુપરત કરાશે
હેમચંદ્રાચાર્ય ઉત્તર ગુજરાત યુનિવર્સિટીમાં 4 જેટલા બાંધકામોમાં થયેલ નાણાકીય કૌભાંડની ફાઇનલ તપાસ કરી રહેલા તપાસ અધિકારી એચ. એન. ખેરે જણાવ્યું હતું કે યુનિવર્સિટીમાં બાંધકામો બાબતે જે આક્ષેપો થયા જ છે. તેના અનુસંધાને મારી ટીમ દ્વારા નવું સેટિંગ કરી અલગ-અલગ વ્યક્તિઓના નિવેદનો લેવામાં આવ્યા છે અને તપાસની કામગીરી પૂર્ણ કરવામાં આવી છે. તપાસ રિપોર્ટ યુનિવર્સિટીને સુપરત કરાશે. યુનિવર્સિટી આ રીપોર્ટને આધારે જે જવાબદારો ( Patan University Corruption Investigation ) સામે કાર્યવાહી કરશે.
આ પણ વાંચોઃ પાટણ યુનિવર્સિટીમાં આગામી કારોબારીમાં MBBSના ગુણસુધારણાના દોષિતો સામે કાર્યવાહી કરાશે
લહેરી સમિતિએ 700 પાનાંનો રીપોર્ટ આપ્યો હતો
હેમચંદ્રાચાર્ય ઉત્તર ગુજરાત યુનિવર્સિટીમાં 6 વર્ષ બાદ વિવિધ બાંધકામના કૌભાંડની તપાસનો દોર ફરી ધમધમતો થયો છે. ત્યારે જોવાનું એ છે કે તે સમયે લહેરીની તપાસ સમિતિએ(P K Laheri Investigation Committee) 700 પાનનો તપાસ રિપોર્ટ આપ્યો હતો, તેેમાં એક જ વ્યક્તિનું નામ બહાર આવ્યું હતું. પરંતુ આ કૌભાંડમાં અન્ય કોઈ સંડોવાયેલા છે કે નહીં તે તો ફાઇનલ તપાસ ( Patan University Corruption Investigation ) રિપોર્ટમાં જ બહાર આવશે.
