પાટણમાં વિવિધ ક્ષેત્રના આગેવાનો અને સંગઠનના હોદ્દેદારો સાથે સી.આર. પાટીલે બેઠક યોજી

ગુજરાત પ્રદેશ ભાજપના અધ્યક્ષ સી.આર.પાટીલ પાટણની 2 દિવસની મુલાકાતે આવ્યા છે, ત્યારે પાટણમાં તેમના સ્વાગતની ભવ્ય રેલી બાદ ચાણસ્મા હાઈવે ઉપરના ઉત્સવ પાર્ટી પ્લોટ ખાતે સંગઠનના આગેવાનો વિવિધ ક્ષેત્રના અગ્રણીઓ સાથે તેમણે બેઠક યોજી હતી. આ બેઠકમાં સોશિયલ ડિસ્ટન્સનો અભાવ જોવા મળ્યો હતો.

પાટણઃ પ્રદેશ ભાજપ અધ્યક્ષ 2 દિવસીય પાટણની મુલાકાતે આવ્યા છે. આ મુલાકાત દરમિયાન તેમના સ્વાગત માટે ભવ્ય રેલીનું આયોજન કરવામાં આવ્યું હતું. આ રેલી શહેરના મુખ્ય માર્ગો પર થઇ ચાણસ્મા હાઇવે રોડ પર આવેલા ઉત્સવ પાર્ટી પ્લોટ ખાતે પહોંચી હતી. જ્યાં પ્રદેશ અધ્યક્ષ સી.આર.પાટીલે સંગઠનના હોદ્દેદારો સાથે બેઠક યોજી હતી.

પાટણની મુલાકાતે આવેલા ભાજપ પ્રદેશ અધ્યક્ષે મીડિયા સાથેની ચર્ચામાં પોતાના ભવ્ય સ્વાગત બદલ પાટણના નગરજનો તેમજ કાર્યકરોનો આભાર માન્યો હતો.