પાટણ: શહેરના બોકરવાડા વિસ્તારમાં ગુરૂવારે મોડી રાત્રે પાટણ પોલીસે રેડ કરી 524 પેટી વિદેશી દારૂ સહિત કુલ રૂપિયા 33 લાખના મુદ્દામાલ સાથે એક જ પરિવારના ચાર બૂટલેગરોને ઝડપ્યા હતા. પોલીસે તેમની વિરુદ્ધ કાયદેસરની કાર્યવાહી હાથ ધરી છે.
પાટણમાં લાખો રૂપિયાના વિદેશી દારૂ સાથે 4 બુટલેગરો ઝડપાયા
બોકરવાડા વિસ્તારમાં રહેતા કુખ્યાત બુટલેગર કયુમુદ્દીન ફારુકી રાજસ્થાનમાંથી મોટાપાયે વિદેશી દારૂ મંગાવી તેનો અલગ અલગ જગ્યાએ નિકાલ કરવાનો છે. તેવી બાતમી પાટણ પોલીસને મળતા પાટણ A ડિવિઝન પોલીસ અને LCBની ટીમે સંયુક્ત રીતે ગુરુવારે મોડીરાત્રે બોકરવાડા વિસ્તારમાં બુટલેગરને ત્યાં રેડ કરી હતી.