પંચમહાલમાં કાકાએ કરી ભત્રીજાની ક્રુર હત્યા

પંચમહાલ : જિલ્લાના હાલોલનગરમાં હત્યાનો એક ચોકાવનારો કિસ્સો સામે આવ્યો છે. જેમા અંગત અદાવતમાં ગુસ્સે ભરાયેલા દિયરે સાડા ત્રણ વર્ષના ભત્રીજાને પાણીની ટાંકીમાં ડુબાડીને ક્રુર હત્યા કરી હતી. હાલોલ પોલીસે CCTV ફૂટેજના આધારે આગળની તપાસ હાથ ધરતા આ સમગ્ર મામલો બહાર આવ્યો હતો. આ બનાવ અંગે હાલોલ ટાઉન પોલીસે આરોપી કાકાની અટકાયત કરી કાયદેસરની કાર્યવાહી હાથ ધરી છે.

પ્રાપ્ત વિગતો અનૂસાર હાલોલ જીઆઈડીસી વિસ્તારમા આવેલી એક ખાનગી કંપનીના રુમમાં રહેતા દિનેશભાઇ સોલંકીએ પોતાના પુત્ર કુલદિપનું પાણીની ટાંકીમાં ડુબી જવાથી મોત થયુ હતું. તે મામલે પોલીસ ફરિયાદ નોંધાવી હતી. જેના આધારે પોલીસે તપાસ હાથ ધરી હતી. પોલીસે આ મામલાને લઇને સીસીટીવી ચેક કરતા આ ચોકાવનારી ઘટના સામે આવી હતી. જેમાં કાકાએ જ પોતાના ભત્રીજાને પાણીની ટાંકીમાં ડુબાડી દીધો હોય તેવુ દ્રશ્યમાન થયુ હતું. જેના પગલે હાલોલ ટાઉન પોલીસે આરોપીની અટકાયત કરી કાયદેસરની કાર્યવાહી હાથ ધરી છે.