નવસારીમાં ભાણેજે મામાનું અપહરણ કરી રકમની માગ કરી...

નવસારી: સંબંધો મૃતપાય અવસ્થાઓમાં આવીને અગ્નિસ્નાન કરી રહ્યાંના કિસ્સાઓ પ્રકાશમાં આવી રહ્યા છે. ત્યારે નવસારીના અમલસાડ ગામમાં રૂપિયા માટે ભાણેજે મામા-ભાણેજના સંબંધને કલંકિત કરીને મામાનું અપહરણ કરતા મામા ભાણેજના સંબંધો પર પૂર્ણવિરામ મુકાઈ ગયો હતુ.

અમલસાડની ટીચર સોસાયટીમાં રહેતા NRI કેનેડાવાસી છનુભાઈ પટેલ કે જેઓ છ મહિના વતન આવીને રહે છે. તેમના ગામની નજીક આવેલા સરીબુજરંગ ગામમાં NRI કાકાના ભાણેજનું ઘર આવેલું છે. ભાણેજ અવારનવાર મામા પાસે રૂપિયાઓની માંગણી કરતો હતો અને મામા ભાણેજની માગ પુરી કરતા હતા. આ સિલસિલો રોજબરોજ થતા NRI મામાએ રૂપિયાઓ આપવાનું બંધ કર્યું અને સેતાન ભાણેજે મામાનું અપહરણ કરીને રૂપિયાની માગણી કરી હતી. ભાણેજે પોતાના વાહનમાં લઇ જઈને મામાને બંધક બનાવ્યો હતો. પરંતુ NRI કાકાની જાગૃત કામવાળીએ પોલીસને જાણ કરતા સમગ્ર મામલો બહાર આવ્યો હતો.

NRI કાકા કેનેડા અને નવસારીનું આવન જાવન કરતા હતા, જેમના બેન્ક બેલેન્સની તમામ જાણકારી ભાણેજ રાજુ પટેલને હતી. કાકાના બેન્ક ખાતામાં મોટી રકમ હતી. જેના કારણે ભાણેજની દાનત બગડતી હતી અને આખરે મામાનું અપહરણ કરીને વાન ગાડીમાં વલસાડના કકવાડી ગામે લઈ જઈને મામા પાસે પઠાણી પદ્ધતિથી રૂપિયાની માગણી કરતો હતો. તે દરમિયાન કામવાળીની ફરિયાદને આધારે મોબાઈલ લોકેશન મેળવીને પોલીસ તપાસ હાથ ધરી હતી. જેની જાણ ભાણેજને થતા ભાણેજ નાશી છુટ્યો હતો. જેને પોલીસે પોતાના ગામ સરીબુજરંગથી ઝડપી લઇને કાયદેસરની કાર્યવાહી હાથ ધરી હતી.