નવસારી : વિશ્વવ્યાપી કોરનાની બીમારીના આ કપરા સમયમાં જનજીવન અસ્તવ્યસ્ત બન્યુ છે અને જાણે સમય થંભી ગયો છે. કોરોનાના ડર સાથે લોકડાઉનને પગલે લોકો ઘરની બહાર નોકરી-ધંધે જઈ શકે એમ નથી. જેના કારણે રોજનું કમાઈને રોજ ખાતા શ્રમજીવીઓ, ગરીબો, ઘરવિહોણા, એકલવાયા, માંદા, અશક્ત લોકો સહિત અનેક મધ્યમ વર્ગીય ઘરોમાં એક ટકના ભોજનના સાંસા પડી રહ્યા છે. આવા આફતના સમયે બીલીમોરાના અગ્રણી મનાભાઈ ઉર્ફે મનહર પટેલે સેવા યજ્ઞની સુવાસ પ્રસરાવી હતી.
કોરોના ઈફેક્ટ: નવસારીમાં 8500 જરૂરિયાતમંદોમાં કરિયાણું-શાકભાજીની કીટોનું વિતરણ કોરોના વાઈરસથી બચવા આવશ્યક સ્વચ્છતા અને સોશિયલ ડિસ્ટન્સના ધોરણોનું પાલન કરી અઢી કિલો કાંદા, અઢી કિલો બટાકા, ૫૦૦ ગ્રામ લીલા મરચાં, 500 ગ્રામ આદુ, 250 ગ્રામ લસણની ૩ હજાર કીટો બનાવી તેને જરૂરિયાતમંદો સુધી પહોંચાડાઇ હતી. સાથે જ મનહર પટેલ દ્વારા પ્રધાનમંત્રી ફંડમાં 51 હજાર રૂપિયા મોકલવાની જાહેરાત કરી હતી.
જરૂરિયાતમંદોમાં કરિયાણું-શાકભાજીની કીટોનું વિતરણ બીજી તરફ બીલીમોરા નગર પાલિકાના નગર સેવકો પણ લોકોને મદદરૂપ થવા આગાળ આવ્યા છે. જેમાં પાલિકા પ્રમુખ મનીષ નાયક, શહેર ભાજપ પ્રમુખ પ્રજ્ઞેશ પટેલ, પાલિકાના મહિલા સદસ્ય મંજુલાબેન પટેલ, તથા ભાજપ પરીવાર અને અન્ય દાતાઓના સથવારે બે કિલો ચોખા, ૫૦૦ ગ્રામ દાળ, 500 ગ્રામ ખાંડ, 200 ગ્રામ તેલ, 200 ગ્રામ ચા પત્તીની કુલ 5,500 કીટ બનાવી હતી. જેને શહેરના 9 વોર્ડોમાં જરૂરીયાતમંદોને વિતરણ કરાવી હતી.
નવસારીમાં 8500 જરૂરિયાતમંદોમાં કરિયાણું-શાકભાજીની કીટોનું વિતરણ આ પ્રસંગે ગણદેવી ધારાસભ્ય નરેશ પટેલ, જિલ્લા પંચાયત પ્રમુખ અમિતા પટેલ, જિલ્લા અગ્રણી ભુરાભાઈ શાહ, ભાણીબેન પટેલ સહિત અગ્રણીઓ અને કાર્યકરો હાજર રહ્યા હતા.
