ટંકારાના લજાઈ ગામે વિકાસ કામો ન થતા ગ્રામ પંચાયતને તાળાબંધી

મોરબી: ટંકારા તાલુકાના લજાઈ ગામે વિકાસના કામો થતા ન હોવાથી ગ્રામજનોએ પંચાયતના સભ્યોને સાથે રાખી પંચાયતને તાળાબંધી કરી હતી.

ટંકારા તાલુકાના લજાઈ ગામની પંચાયત કચેરીને તાળાબંધી કરવામાં આવી અને ગ્રામજનો દ્વારા DDOને આવેદન પાઠવી જણાવવામાં આવ્યું કે, લજાઈ ગામમાં વિકાસના કામ ન થવાથી ઉપ-સરપંચ અને સભ્યોની હાજરીમાં ગ્રામસભા બોલાવવામાં આવી હતી. આ સભામાં વિકાસ કાર્યો ન થતા હોવાની ચર્ચા કરવાની હતી, પરંતુ સરપંચ હાજર ન રહેવાથી હાજર સભ્યો દ્વારા ગ્રામ પંચાયતને તાળાબંધી કરવાનો નિર્ણય કરવામાં આવ્યો હતો.

મળતી માહિતી મુજબ, લજાઈ ગ્રામ પંચાયતમાં પાણીની પાઈપલાઈન, સીસીરોડ, ભૂગર્ભ ગટર, તથા જરૂરી દાખલા જેવા કાર્યો થતા ન હોવાથી તાળાબંધી કરવામાં આવી છે.