વાંકાનેર તાલુકાના મેસરિયા ગામે હત્યાના બનાવમાં વાંકાનેર તાલુકાના મેસરિયા ગામે રહેતા સંજય છગનભાઈ કોળીએ વાંકાનેર તાલુકા પોલીસ મથકના ફરિયાદ નોંધાવી હતી.તેમના ભાઈ વિજયભાઈ છગનભાઈ કોળીને આરોપી જયંતી મેરાભાઇ રાઠોડની બહેન સાહેદ રંજન ઉર્ફે ગુડી સાથે પ્રેમ સંબધ હોવાના કારણે આથી આરોપી જયંતીએ બંનેને સાથે જોઈ જતા તેણે વિજયને છાતી તથા શરીરના ભાગે છરીના ધા મારી હત્યા કરી હોવાની ફરિયાદ નોંધાવી હતી.
પ્રેમસંબંધમાં યુવાનની હત્યા કરનાર આરોપી ઝડપાયો
મોરબીઃ વાંકાનેરના મેસરિયા ગામે પ્રેમ સંબંધ મામલે યુવાનની નિર્મમ હત્યા નીપજાવી દેવામાં આવી હતી. જે બનાવ બાદ તરત હરકતમાં આવેલી તાલુકા પોલીસની ટીમે આરોપીને ઝડપી લઈને કાયેદસરની કાર્યવાહી હાથ ધરી છે.
સ્પોટ ફોટો
વાંકાનેર તાલુકા પોલીસે મૃતકના ભાઈની ફરિયાદના આધારે આરોપી વિરુદ્ધ હત્યાનો ગુન્હો નોંધી આરોપીને ઝડપી લેવા કાર્યવાહી હાથ ધરી હતી. આ હત્યાના બનાવ સંદર્ભે જિલ્લા એસપી ડો. કરનરાજ વાઘેલાની સુચનાઅને ડીવાયએસપી બન્નો જોશીના માર્ગદર્શન હેઠળ વાંકાનેર તાલુકા પીએસઆઈ એસ એ.ગોહિલની ટીમે તપાસ કરી હતી.જેમાં આરોપી જયંતી મેરાભાઈ રાઠોડ રહે મેસરિયાવાળાને વાંકાનેર બાઉન્ડ્રી ઓવરબ્રિજ નીચેથી ઝડપી લીધો હતો અને આરોપીની વધુ પૂછપરછ શરુ કરવામાં આવી છે.