કચ્છ અને રાજકોટ લોકસભા બેઠકમાં મોરબી જીલ્લાના મોરબી, ટંકારા અને વાંકાનેર વિધાનસભા વિસ્તારોનો સમાવેશ થાય છે. તેમજ 4 લોકસભા બેઠક વચ્ચે વહેંચાયેલા મોરબી જીલ્લામાં કુલ નોંધાયેલા 205 શતાયુ મતદારો પોતાના મતાધિકારનો ઉપયોગ કરવા થનગની રહ્યા છે, અને યુવા પેઢીને મતદાન કરવા પ્રેરણા પૂરી પાડી રહ્યા છે.
મોરબીમાં શતાયુ નાગરિક જ નહિ પરંતુ શતાયુ દંપતી મંગળવારે મતદાન કરવાની રાહ જોઇ રહ્યા છે. મોરબીના ચૌહાણ કાનજીભાઈ છગનભાઈ (ઉ.વ.108) અને ચૌહાણ વિજયાબેન કાનજીભાઈ (ઉ.વ.103) મતદાન કરશે. જયારે વાંકાનેરના જંજવાડિયા મોતીભાઈ અરજણભાઈ (ઉ.વ.103) અને જંજવાડિયા વજીબેન મોતીભાઈ (ઉ.વ.103) પણ મતદાન કરવા ઉત્સુક જણાઈ રહ્યા છે.