મોરબીમાં 9 શખ્સો દ્વારા સગીરાનું અપહરણ થયાની નોંધાઈ ફરિયાદ

મોરબીઃ મૂળ રાજસ્થાનના વતની શ્રમિક પરિવારની સગીરાનું અપહરણ કરી ગયાની ફરીયાદ રાજસ્થાન પોલીસમાં કરવામાં આવી હતી. જેથી રાજસ્થાન પોલીસે મોરબી તાલુકાના પોલીસ મથકમાં ફરીયાદ નોંધાવી હતી. જેથી મોરબી તાલુકા પોલીસે 9 શખ્સો વિરૂદ્ધ ગુનો નોંધી વધુ તપાસ હાથ ધરી છે.

મોરબીથી 30 કિમીના અંતરે આવેલા ગામેથી આરોપી સુરેશ મંગલિયા નીનામાની પોતાની પત્ની બનાવવાના ઈરાદે સગીરા હેન્ડપંપ પાસે પાણી ભરવા ગયેલી ત્યારે આરોપી સુરેશ મંગલીયા નીનામા, રાકેશ મંગલીયા નીનામા, મુકેશ મંગલીયા નીનામા, લીલીયા પાનુભાઈ, રાજિયા નાનામાલુમ, રેખા મુકેશભાઈ નીનામા, સુનીતા રાકેશ નીનામા અને બાબુ રામા નીનામાએ જબરદસ્તી ઈચ્છા વિરૂદ્ધ અપહરણ કરી ગયાની ફરિયાદ સગીરાના પિતાએ રાજસ્થાન પોલીસમાં નોંધાવી છે. જેથી રાજસ્થાન પોલીસે મોરબી તાલુકાના પોલીસ મથકમાં ફરીયાદ નોંધાવી હતી તે પછી મોરબી તાલુકા પોલીસે 9 શખ્સો વિરૂદ્ધ ગુનો નોંધી તપાસ હાથ ધરાઈ અને વધુ તપાસ સી.પી.આઈ. આર.કે.ઝાલા ચલાવી રહ્યા છે.