મહેસાણા જિલ્લાના સ્વામી વિવેકાનંદ યુવા મંડળ દ્વારા PM નરેન્દ્ર મોદીને ફરી એકવાર ભારતના વડાપ્રધાન બનાવવાના હેતુ સાથે ઐતિહાસિક નગરી એવા મોદીના વતન વડનગર હાટકેશ્વર મહાદેવના દર્શન કરી ઉંઝા ઉમિયા માતાજી મંદિર સુધી પદયાત્રાનો પ્રારંભ કરવામાં આવશે. યુવાનોની PM મોદી અંગેની લાગણી મહેસાણા જિલ્લા ભાજપ પ્રમુખ નીતિન પટેલ દ્વારા યુવાનોની આ યાત્રાને લીલી ઝંડી આપી પ્રસ્થાન કરાવવામાં આવ્યું હતું.
વડનગરથી ઊંઝા સુધી નમો અગેનના સૂત્રો સાથે પદયાત્રાનો પ્રારંભ આ સાથે જ નીતિન પટેલે જણાવ્યું હતું કે માત્ર યુવાઓ જ નહિ,પરંતુ મહિલાઓ, બાળકો, પુરુષો, સમાજ, જ્ઞાતિઓ અને વિવિધ સમુદાયોના લોકો નરેન્દ્ર મોદીને ફરી એકવાર ભારતના વડાપ્રધાન બનાવવાની ઇચ્છા રાખી રહ્યા છે અને જીત ચોક્કસ મળશે.એક તરફ ભાજપમાં લોકોને વિશ્વાસ છે. PM મોદી ફરી એકવાર વડાપ્રધાન બનશે.ત્યારે આજે 100 જેટલા યુવાનોએ પદયાત્રા કરી વડનગરના હાટકેશ્વર મહાદેવથી ઉંઝા ઉમિયામાતા મંદિર સુધી આવતા તમામ ગામોમાં ફરી એકવાર નરેન્દ્ર મોદીને વડાપ્રધાન બનાવવા અંગે પોતે પ્રચાર કરી આવતી કાલ સુધી ઉંઝા પહોંચશે
