ચાલકને ઝોકું આવી જતા બાઈક ઝાડ સાથે અથડાયું, સાળા-બનેવીનું મોત

મહેસાણાઃ જિલ્લામાં કડીના સાદરા નજીક બે બાઈક સવારના પસાર થતી વખતે બાઈક ચાલકને ચાલુ બાઈક પર ઝોકું આવતા બાઈક ઝાડ સાથે અથડાતા અકસ્માત સર્જાયો હતો. જેમાં બાઈક સવાર સળા-બનેવીના મોત નિપજ્યું હતું.

કડી તાલુકાના જાસલપુર ગામના તેમજ સુજાતપુર રહેતા બે રબારી યુવકો સાળા બનેવી રબારી સમાજની ગુરુગાદી દુધરેજ વડવાળા ખાતે દર્શન કરવા ગયા હતા. જ્યાંથી મોડી રાત્રે પરત ફરતા રસ્તામાં ઢોરિયા થી કડીના માર્ગ પર સાદરા નજીક બાઈક ચાલકને ઝોકું આવી જતા બાઈક સ્લીપ ખાઈ સાઈડમાં આવેલા ઝાડ સાથે અથડાયું હતું. જેને પગલે બન્ને બાઈક સવાર મેઘરાજભાઈ રબારી અને રમેશભાઈ રબારીનું ઘટના સ્થળે કમકમાટી ભર્યું મોત નિપજ્યું હતું. ઘટનાની જાણ કડી પોલીસને કરાતા પોલીસે પરિવારને જાણ કરી મૃતદેહો પરિવારોને સોંપી વધુ કાર્યવાહી હાથ ધરી છે.