મહેસાણા લોકસભા અને ઊંઝા વિધાનસભામાં ખીલ્યું કમળ

મહેસાણાઃ લોકસભા અને ઊંઝા વિધાનસભા પેટાચૂંટણીની મતગણતરી થતા જ વિજેતા ઉમેદવાર જાહેર થઈ ચુક્યા છે. જેમાં બંને બેઠક પર ભાજપનો ભગવો લહેરાયો છે. કરીએ એક નજર મહેસાણા મતગણતરી બાદના ઇતિહાસિક પરિણામો પર...

મહેસાણા જિલ્લાને પહેલેથી રાજકીય પ્રયોગશાળાનો કિરદાર મળ્યો છે. ત્યારે ખરા અર્થમાં મહેસાણા જિલ્લામાં યોજાયેલ ચૂંટણીના પરિણામોએ ઇતિહાસ રચ્યો છે. જેમાં મહેસાણા લોકસભા બેઠક 4 પરના ભાજપના ઉમેદવાર શારદાબેન પટેલે 659525 જંગી મતો મેળવ્યા છે. જ્યારે કોંગ્રેસ ઉમેદવાર એ.જે.પટેલે 378006 મતો મેળવ્યા છે. જેમાં ભાજપે 281519 મતોની જંગી લીડ મેળવી પ્રજાનો વિશ્વસ જીતવામાં સફળતા મેળવી છે. જે ઇતિહાસિક જીતનો જશ્ન સમગ્ર મહેસાણા જિલ્લામાં ઉજવાયો છે.

સાથે જો વાત કરીએ ઊંઝા વિધાનસભા પેટા ચૂંટણીના પરિણામની કે જ્યાં ભાજપ માટે પોતાનાનો જ વિરોધ હોવાની અટકણો વચ્ચે પણ ચૂંટણી પરિણામ જાહેર થતા જ ભાજપે કોંગ્રેસના સુપડા સાફ કરતા અંદાજે 23072 મતોની લીડથી જીત મેળવી છે. આમ પક્ષ પલટો કરનાર આશા પટેલે કોંગ્રેસના કાંતિ પટેલના 54378 મતો સામે 77459 મતો મેળવી ચૂંટણી જંગમાં પરાજિત કરતા ઊંઝામાં પણ જશ્ન સાથે ભાજપ ઉમેદવારને લોકોએ અભિનંદન આપ્યા છે.

મહત્વનું છે કે વડાપ્રધાન નરેન્દ્ર મોદી અને ભાજપના રાષ્ટ્રીય અધ્યક્ષ અમિત શાહનો ગઢ ગણાતા મહેસાણા લોકસભા બેઠક પર ઇતિહાસિક પરિણામથી પક્ષ અને ભાવિ સરકાર માટે બંને દિગ્ગજોના વતનની મહેક મહેકી ઉઠી છે.

મહેસાણા લોકસભા

પક્ષ	મત
ભાજપ	659525
કોંગ્રેસ	378006
નોટા	12067
અન્ય પક્ષ	32189
પોસ્ટલ વોટ	4891
કુલ થયેલું મતદાન	1076957
BJP લીડ	281519

ઊંઝા વિધાનસભા પેટા ચૂંટણી

પક્ષ	મત
ભાજપ	77459
કોંગ્રેસ	54382
નોટ	2060
કુલ થયેલું મતદાન	147897
BJP લીડ	23072