મહેસાણા નજીક ટોકસન એનર્જી ફેકટરીમાં આગ ભભૂકી..!

મહેસાણા: જગુદણ ગામની સીમમાં ટોકસન એનર્જી નામની સોલાર પેનલનું ઉત્પાદન કરતી ફેકટરીમાં શોર્ટસર્કિટથી અચાનક આગ લાગી હતી. આ આગ મોટું સ્વરૂપ ધારણ કરતા મહેસાણા ફાયર ફાઈટર ટીમ ઘટના સ્થળે દોડી આવી હતી અને ભારે જહેમત બાદ આ આગ પર કાબૂ મેળવ્યો હતો.

જિલ્લાની એક ફેક્ટરીમાં આગ લાગી હતી. સોલાર પેનલનું ઉત્પાદન કરતી ફેક્ટરીમાં શોટસર્કિટથી અચાનક આગ લાગી હોવાનું સામે આવ્યું હતું, પરંતુ આ ઘટના બનતાની સાથે વિસ્તારમાં નાશ ભાગ મચી ગઇ હતી. સદનસીબે આગના બનાવમાં કોઈપણ પ્રકારની જાનહાની થઈ નથી. બીજી તરફ આગને પગલે કંપનીને ભારે નુકસાન થયું છે. જો કે, આગ લાગવાનું કારણ ઘટના અંગેની સચોટ તપાસ બાદ બહાર આવી શકે તેમ છે.