મહિસાગર LCBએ વિરપુરમાંથી બાઇક ચોરને ઝડપી પાડ્યો

મહિસાગરઃ પેટ્રોલીંગમાં દરમિયાન પોલીસે લિમ્બડીયાં તરફથઈ બાઈક હીરો સ્પેલડર પ્રો લઇને આવતા શખ્સને પોલીસે રોકી પુછપરછ કરી હતી. તેને ગાડીના કાગળો બાબતે પૂછતા સરખો જવાબ આપી શક્યો નહોતો. જેથી પોલીસને તેના પર શંકા ગઈ હતી. પોલીસે આ અંગે વધુ તપાસ કરતાં તેની પાસે રહેલી બાઈક ચોરીની હોવાનું બહાર આવ્યુ હતું.

મહિસાગર જિલ્લાના પોલીસ અધિક્ષકની સૂચનાના આધારે LCB ના PSI એચ.એન.પટેલ તથા વિરપુર પોલીસ સ્ટેશનના સ્ટાફના માણસો વિરપુર પોલીસ સ્ટેશન વિસ્તારમાં પેટ્રોલીગમાં હતા. દરમિયાન લિમ્બડીયાં તરફથી એક ઇસમ તેની બાઈક હીરો સ્પેલડર પ્રો લઇને આવતો હતો. તેની હિલચાલ શંકાસ્પદ જણાતા પોલીસે તેની પુછપરછ કરી હતી. પરંતુ પકડાયેલો ઈસમ બોલી શકતો નહોતો. જેથી તેને ઈશારથી કાગળ ઉપર લખવાનું કહેતા તેણે પોતે પોતાનું નામ કલ્યાણસિંહ વજેસિંહ સોલંકી રહેવાશી મહીસાગર જિલ્લાના સરાડીયા રાયણના મુવાડાનું હોવાનું જણાવ્યુ હતું, પરંતુ તેની પાસે ગાડીના કાગળો ન હોવાનું કહ્યુ હતું. શંકા જતા પોલીસે તેના પિતાનો સંપર્ક કર્યો હતો, પોલીસે તેના પિતાને બાઈકની બાબતે પૂછપરછ કરતા તે મોટર સાઇકલ કોની છે તે ખબર નહીં હોવાનું કહ્યુ હતું. જેથી ચોરીની બાઈક સાથે પોલીસે આ શખ્સની ધરપકડ કરી વધુ તપાસ હાથ ધરી હતી.