નગરપાલિકાના કંપાઉન્ડમાં ફાયરના વાહનોને બદલે અન્ય લારી, ગલ્લાઓ અને નાસ્તાની લારીઓ ઉભેલી જોવા મળી રહી છે. જેથી આગામા સમયે આ જ દબાણો નગરપાલિકાને અડચણ રૂપ બની શકે તેમ છે. આ જગ્યાએ નગર પાલિકાના ફાયરના વાહનોને મુકવામાં આવતા હોય છે. પરંતુ પાલિકાની રહેમ નજર હેઠળ પાલિકા કચેરી વિસ્તારમાં આવેલા ફૂટપાથ પર ફ્રુટ, પાણીપુરી, બરફની લારીઓના કારણે રાત દિવસ લોકોની ભીડ બનેલી રહે છે. અગત્યનું એ છે કે ગત સમયમાં બાલાસિનોરની મામલતદાર કચેરીમાં આગની ઘટના બની હતી. જેમાં કેટલુંક નુકશાન થવા પામ્યું હતું. ત્યારે બાલાસિનોર નગર સેવા સદનમાં તેવી ઘટના દોહરાય તેવી રાહ તંત્ર જોતું હોય તેમ લાગી રહ્યું છે.
બાલાસિનોર નગર પાલિકામાં ફાયર સેફ્ટી અંગે તંત્રની બેદરકારી સામે આવી