બાલાસિનોરમાં સર્વરોગ નિદાન કેમ્પ યોજાયો, જનસેવા ચેરીટેબલ ટ્રસ્ટ દ્વારા કરાયું આયોજન

મહિસાગરઃ બાલાસિનોર તાલુકામાં આજે પારૂલ સેવાશ્રમ હોસ્પિટલ, બાલાસિનોર નગરપાલિકા તથા જનસેવા ચેરીટેબલ ટ્ર્સ્ટના સંયુક્ત ઉપક્રમે વિનામૂલ્યે સર્વ રોગ નિદાન કેમ્પનું આયોજન કરાયું હતુ.

નગરમાં આવેલી શેઠ મોજીલાલ પ્રાથમિક શાળામાં આજે રવિવારે આ કેમ્પનું આયોજન કરવામાં આવ્યું હતુ. વિનામૂલ્યે યોજાયેલા આ કેમ્પમાં મેડિસિન, સર્જરી, ઓર્થોપેડિક, બાળકોના રોગો, સ્ત્રી રોગ, કાન, નાક, ગળા, આંખ તેમજ ચામડીના રોગોની તપાસ કરી નિઃશુલ્ક દવાઓ આપી હતી. આ ઉપરાંત કેમ્પમાં આવેલા દર્દીઓને નિઃશુલ્ક રહેવા અને જમવાની સગવડ પુરી પાડવામાં આવી હતી. કેમ્પમાં દાખલ દર્દી પાસે ઓપરેશન ચાર્જ, એનેસ્થેસિયા નિઃશુલ્ક રાખવામાં આવ્યું હતુ. ઉપરાંત દર્દીઓ માટે લેબોરેટરી, એક્સ-રે અને સોનોગ્રાફીની તપાસ 52 ટકા રાહત દરે આપવામાં આવી હતી. કેમ્પમાં અંદાજિત 200 દર્દીઓએ સારવાર લીધી હતી.

જનસેવા ટ્રસ્ટના ઉપપ્રમુખ કૃણાલ ભાવસાર, તાલુકા પ્રમુખ વસંત પરમાર, તાલુકા ઉપપ્રમુખ રાજેશ ઠાકોર, તાલુકા મંત્રી રણજીતસિંહ અને ખજાનચી હર્ષ ભાવસાર ઉપરાંત આયોજકોએ જનસેવા લોક કલ્યાણ અર્થે આ મફત સર્વરોગ નિદાન કેમ્પ રાખ્યો હતો.