આ કાર્યક્રમ દરમિયાન કુરેશીએ જણાવ્યું હતું કે, સર્ટીફાઇડ બિયારણ-અદ્યતન ખેત પધ્ધતિથી ખેતી કરીને તમારી આર્થિક સધ્ધરતા વધે તે માટે રાજ્ય સરકાર સતત પ્રયત્નશીલ છે. આ સમય દરમિયાન સરકારના વિવિધ ખાતાઓની યોજનાઓ તથા ખેડૂતોના પ્રશ્નો અંગે માર્ગદર્શન આપવાનું આયોજન કરવામાં આવ્યું છે. ખેડૂતોને ખાસ કરીને જમીન અને પાણીની પરિસ્થિતિને ધ્યાનમાં રાખીને અનુકુળ પાકનું આયોજન, માર્કેટીંગ વ્યવસ્થા, પાકોના મુલ્યવર્ધન માટે ગ્રેડીંગ, પ્રોસેસીંગ, પેકેજીંગ અંગે સમજ તેમજ વિસ્તારને અનુરૂપ વધુ ઉત્પાદન આપતા પાકો માટે માર્ગદર્શન આપવાનું આયોજન કર્યું છે. કૃષિમાં સમતોલ ઇનપુટ્સ સેન્દ્રીય ખાતર, સુધારેલ અને પ્રમાણિત બિયારણ તેમજ સુધારેલા ખેત ઓજારોનો ઉપયોગ કરવાની હિમાયત કરી હતી.
મહીસાગરના લુણાવાડામાં કૃષિ મેળો તેમજ તાલીમ કાર્યક્રમ યોજાયો