મતદાન શરૂ થવાની સાથે જ મતદાન મથકો પર મતદારોની કતારો મતદાન કરવાની અપીલ

ખેડાઃમતદાન શરૂ થવાની સાથે જ મતદાન મથકો પર મતદારોની કતારો જોવા મળી હતી. મહિલાઓ,યુવાનો સહિત વૃદ્ધો તેમજ અશક્ત અને દિવ્યાંગ મતદારોએ પણ ઉત્સાહપૂર્વક મતદાન કર્યું હતું.

ખાસ કરીને પ્રથમ વખત મતદાન કરી રહેલા મતદારોમાં વિશેષ ઉત્સાહ જોવા મળ્યો હતો.આ સાથે જ મતદારો દ્વારા મતદાન કરીને અન્યોને મતદાન કરવા અપીલ પણ કરવામાં આવી હતી.ખેડા લોકસભા મતવિસ્તારમાં કુલ 2111 મતદાન મથકો પર 18,03,133 મતદારો નોંધાયેલા છે. જે મતદારો 7 ઉમેદવારોમાંથી પ્રતિનિધિ ચૂંટવા પોતાના મતાધિકારનો પ્રયોગ કરી રહ્યા હતો.