- ખેડામાં એક જ દિવસમાં 57 કેસ નોંધાયા
- નડીયાદમાં 30 પોઝિટિવ કેસ નોંધાયા
- ખેડા જિલ્લામાં હાલ કુલ 260 દર્દી દાખલ
ખેડા : જિલ્લામાં દિવસે દિવસે કોરોના સંક્રમણ ચિંતાજનક રીતે સતત વધી રહ્યું છે. જેમાં શનિવારના રોજ 57 કોરોના પોઝિટિવ કેસ નોંધાયા છે. ખેડા જિલ્લાના તાલુકાની વાત કરીએ તો નડિયાદમાં 30, ખેડામાં 11, મહેમદાવાદમાં 4, મહુધામાં 4, કપડવંજમાં 3, ઠાસરામાં 2, ગળતેશ્વરમાં 2 અને માતરમાં 1 એમ કુલ મળીને 57 કેસ નોધાયા છે. જે જિલ્લામાં અત્યાર સુધીમાં એક જ દિવસમાં નોંધાયેલા સૌથી વધુ કેસ છે.
આ પણ વાંચો -ખેડા જિલ્લાના વિવિધ ગામમાં કોરોના સંક્રમણ અટકાવવા સ્વૈચ્છિક લોકડાઉન
જિલ્લામાં હાલ કુલ 260 દર્દી દાખલ
ખેડા જિલ્લામાં અત્યાર સુધી કુલ 4,542 પોઝિટિવ કેસ નોધાયા છે. જેમાંથી 4,263 દર્દીઓને રજા આપવામાં આવી છે. જ્યારે હાલ જિલ્લામાં વિવિધ હોસ્પિટલમાં કુલ 260 દર્દીઓ સારવાર હેઠળ દાખલ છે.