કપડવંજમાં સ્ટેટ હાઇવે પર દબાણો હટાવવાની કામગીરી હાથ ધરાઈ

ખેડાઃ જિલ્લાના કપડવંજ શહેરમાંથી પસાર થતાં સ્ટેટ હાઇવે પર કરાયેલાં દબાણો દૂર કરવાની કવાયત હાથ ધરવામાં આવી છે. તેમજ શહેરમાં પણ નગરપાલિકા, મામલતદાર તેમજ માર્ગ-મકાન વિભાગ દ્વારા સંયુક્ત રીતે દબાણ હટાવવાની કામગીરી શરૂ કરવામાં આવી છે.

ખેડા જિલ્લાના કપડવંજ શહેરમાંથી પસાર થતાં સ્ટેટ હાઇવે પર કરવામાં આવેલા દબાણો દૂર કરવાની કામગીરી હાથ ધરાઈ હતી. નગરપાલિકા,મામલતદાર તેમજ માર્ગ મકાન વિભાગ દ્વારા સંયુક્ત રીતે દબાણ હટાવ કામગીરી હાથ ધરી હાઇવે પરના 100 થી વધુ દબાણો દૂર કરવામાં આવ્યા હતા.

ઉલ્લેખનીય છે કે, કપડવંજ શહેરમાંથી પસાર થતાં સ્ટેટ હાઇવે પર બંને બાજુએ અનેક દબાણો કરાયા હતા. જેના કારણે નગરજનોને અને વાહનચાલકોને ભારે હાલાકીનો સામનો કરવો પડતો હતો. એટલે નગરજનોએ તંત્ર દ્વારા દબાણો દૂર કરવાની કામગીરી થાય તેવી માગ કરાઈ હતી.