જૂનાગઢઃ મંગળવારે દિલ્હી વિધાનસભા ચૂંટણી પરિણામ જાહેર થયા હતા, જેમાં આમ આદમી પાર્ટીનો ભવ્ય વિજય થયો છે, જેને લઇને સમગ્ર દેશમાં આપના કાર્યકરો વિજય ઉત્સવ મનાવી રહ્યાં છે, ત્યારે જૂનાગઢ જિલ્લા આપના કાર્યકરોએ પણ શહેરના આઝાદ ચોકમાં પક્ષનું પ્રતીક ઝાડુ લઈને અરવિંદ કેજરીવાલની પ્રચંડ જીતને વધાવી હતી, તો સાથોસાથ અહીંથી પસાર થતા લોકોને મોં મીઠું કરાવીને આ વિજય ઉત્સવમાં સામેલ કર્યા હતા.
દિલ્હીમાં "આપ"ના વિજયને જૂનાગઢમાં પણ ઉજવાયો આાપની દિલ્હીમાં થયેલી જીતને આમ આદમીની જીત ગણાવી હતી અને અહીંથી પસાર થતા લોકોને એ સમજાવવાનો પ્રયાસ કર્યો હતો કે, દિલ્હીમાં જે પ્રકારે સામાન્ય માણસોની જીત થઈ રહી છે, તે જ પ્રકારે હવે ગુજરાતના રાજકીય સમિકરણો પણ આમ આદમીના સમીકરણ મિલાવીને રાજ્યમાં પણ આગામી દિવસોમાં આમ આદમીની સરકાર બનશે. તેવો આશાવાદ પણ વ્યક્ત કર્યો હતો, વધુમાં પક્ષના કાર્યકરોએ ઉજવણી વખતે વિવિધ બેનરોમાં રાજ્ય સરકાર અને ખાસ કરીને ભાજપની જે નીતિઓ છે, તેની સામે વિરોધ પણ પ્રદર્શિત કર્યો હતો.
