જૂનાગઢ જિલ્લા કોંગ્રેસની હકારાત્મક રાજનીતિ : ધરણાની જગ્યાએ કોરોના દર્દીઓને મદદરૂપ થાય તેવા કાર્યક્રમો કરવાની આગેવાની લીધી

જૂનાગઢ જિલ્લા કોંગ્રેસ આજે હકારાત્મક દિશામાં અનુકરણીય રીતે આગળ વધતી જોવા મળી છે. શનિવારના રોજ કોરોના કાળમાં જે પ્રકારે દર્દીઓ અને તેમના પરિજનોને મુશ્કેલીનો સામનો કરવો પડી રહ્યો છે, તેના વિરોધમાં રાજ્યમાં કોંગ્રેસ દ્વારા ધરણાનો કાર્યક્રમ યોજવામાં આવ્યો હતો, ત્યારે જૂનાગઢ જિલ્લા કોંગ્રેસ દ્વારા ધરણાનો કાર્યક્રમ મોકૂફ રાખીને શક્ય બને તેટલા લોકોને મદદ મળી શકે એવા ભાવ સાથે કામ કરવાની હકારાત્મક રાજનીતિની શરૂઆત કરવામાં આવી છે.

• જૂનાગઢ જિલ્લા કોંગ્રેસ દ્વારા હકારાત્મક રાજનીતિની શરૂઆત
• જૂનાગઢ કલેક્ટર કચેરી ખાતે ધરણાનો કાર્યક્રમ કર્યો મોકૂફ
• કોરોના સંક્રમણ કાળમાં લોકોને થઈ શકે તેટલી તમામ મદદ કરશે જૂનાગઢ જિલ્લા કોંગ્રેસ

જૂનાગઢ : શનિવારના રોજથી જૂનાગઢ જિલ્લા કોંગ્રેસ દ્વારા હકારાત્મક રાજનીતિની શરૂઆત કરવામાં આવી છે. આજે સમગ્ર રાજ્યમાં કોંગ્રેસ દ્વારા જૂનાગઢ જિલ્લા કલેક્ટર કચેરી ખાતે પ્રતિક ધરણા કાર્યક્રમ પૂર્વ નિર્ધારિત કરવામાં આવ્યો હતો, પરંતુ જૂનાગઢ જિલ્લા કોંગ્રેસ દ્વારા ધરણા કાર્યક્રમ મોકૂફ રાખીને હકારાત્મક રાજનીતિની દિશામાં નવી પહેલ શરૂ કરવામાં આવી છે.

આ પણ વાંચો -મુખ્યપ્રધાન રૂપાણીનો કાળા વાવટા ફરકાવીને વિરોધ કરવા બદલ NCP નેતા રેશ્મા પટેલની અટકાયત

જૂનાગઢ જિલ્લા કોંગ્રેસ દ્વારા ધરણાનો કાર્યક્રમ મોકૂફ કરવામાં આવ્યો

કોરોના સંક્રમણને કારણે દર્દીઓ અને તેમના પરિવારજનોને ભારે મુશ્કેલીનો સામનો કરી રહ્યા છે, આવા કપરા સમયે લોકોને ઉપયોગી થવાની દિશામાં આગળ વધવાના હકારાત્મક અભિગમ સાથે જૂનાગઢ જિલ્લા કોંગ્રેસ દ્વારા ધરણાનો કાર્યક્રમ મોકૂફ કરવામાં આવ્યો છે. કોંગ્રેસની હકારાત્મક રાજનીતિ જૂનાગઢ જિલ્લાના રાજકારણમાં આવનારા દિવસોમાં વધુ આગળ વધે, તો રાજકીય રીતે લોકોની ખૂબ સારી સેવા મળી તેમ છે.

આ પણ વાંચો -બંગાળમાં થયેલી હિંસાના વિરોધમાં જૂનાગઢ ભાજપે કર્યા પ્રતિક ધરણાં

જૂનાગઢ જિલ્લા કોંગ્રેસ દ્વારા હકારાત્મક રાજનીતિની દિશામાં આજે કરી છે પહેલ

જૂનાગઢ જિલ્લા કોંગ્રેસ દ્વારા શનિવારના રોજ હકારાત્મક રાજનીતિની દિશામાં પહેલ કરી છે, જે પ્રકારે ભાજપે બે દિવસ અગાઉ જૂનાગઢમાં પશ્ચિમ બંગાળ હિંસાને લઈને જે ધરણા કર્યા હતા, તેને કોંગ્રેસ રાજકીય સ્ટંટ ગણાવી રહી હતી, ત્યારે આવી પરિસ્થિતિમાં કોંગ્રેસે પૂર્વ નિર્ધારિત ધરણાનો કાર્યક્રમ મોકૂફ રાખીને હકારાત્મક રાજનીતિની દિશામાં નવો ચીલો ચાતર્યો છે.

કોંગ્રેસે જૂનાગઢ કલેક્ટર કચેરી ખાતે ધરણાનો કાર્યક્રમ કર્યો મોકૂફ

આ પણ વાંચો -કોરોના સંક્રમણને ફેલાવવા માટે સરકારને જવાબદાર ઠેરવતા NCP નેતા રેશ્મા પટેલ

લોકો વ્યથિત થઈને તબીબી સહાય મેળવવા માટે રઝળપાટ કરી રહ્યા છે

હાલના સમયમાં લોકો વ્યથિત થઈને તબીબી સહાય મેળવવા માટે રઝળપાટ કરી રહ્યા છે, આવી પરિસ્થિતિમાં ધરણા જેવો કાર્યક્રમ યોજીને લોકોના દુઃખમાં વધારો કરવાના સ્થાને જૂનાગઢ જિલ્લા કોંગ્રેસ દ્વારા હકારાત્મક રાજનીતિ કરવાની દિશામાં એક ડગલું આગળ વધાર્યું છે. શનિવારના દિવસે ધરણા મોકૂફ રાખીને કોરોના સંક્રમિત દર્દી અને તેના પરિવારજનોને કઈ રીતે ઉપયોગી થઈ શકાય, તે દિશામાં કામ કરવા માટે પહેલ કરી છે.