Junagadh Crime : ચોક્કા છક્કાની રમઝટ વચ્ચે સટ્ટોડીયાઓની પોલીસે પાડી દીધી વિકેટ

જૂનાગઢ પોલીસે સટ્ટા બજાર્યાઓની વિકેટ પાડી દીધી છે. પોલીસ સામે 6 શખ્સોને 8 લાખના મુદામાલ સાથે પકડી પાડ્યા છે. તો અન્ય બે આરોપીઓને પકડવા ચક્રો ગતિમાન કર્યા છે. આ સટ્ટોડાયો એપ્લિકેશન્સ મારફતે સટ્ટો રમાડતા હતા. ત્યારે કેવી રીતે રમાડાતો સટ્ટો જૂઓ વિગતવાર.

જૂનાગઢ : IPL ક્રિકેટની મોસમ શરૂ થઈ ચૂકી છે. ક્રિકેટની સાથે સટ્ટોડીયાઓ પણ હવે બેટિંગ કરવામાં જાણે કે મસ્ત બન્યા હોય તે પ્રકારે ચારે તરફ ક્રિકેટની રમત પર સટ્ટાકાંડ શરૂ થયા છે, ત્યારે જૂનાગઢ પોલીસે IPL ક્રિકેટ પર સટ્ટો લેતા આઠ શખ્સોને 8 લાખ 86 હજાર કરતાં વધુના મુદ્દામાલ સાથે પકડી પાડીને ક્રિકેટ સટ્ટાકાંડનો ખુલાસો કર્યો છે.

પોલીસે સટ્ટાડીયાઓની પાડી વિકેટ : વર્ષ 2003ની IPLની નવી સિઝન શરૂ થઈ ચૂકી છે. મેદાન પર ખેલાડીઓ ચોક્કા અને છક્કાની રમઝટ બોલાવીને ખેલાડીઓ તેમની ટીમોને જીતાડવા માટેના પ્રયાસો કરી રહ્યા છે. બરોબર આ જ સમયે ક્રિકેટના સટ્ટા સાથે સંડોવાયેલા સટોડિયાઓ પણ હવે ક્રિકેટની જેમ સટ્ટાકાંડનો ખેલ ખેલી રહ્યા છે. ત્યારે જુનાગઢ પોલીસને મળેલી પૂર્વ બાતમીને આધારે વંથલી અને જૂનાગઢમાંથી બે અલગ અલગ કિસ્સામાં ગઈ કાલે રમાયેલી મેચ પર ઓનલાઇન ક્રિકેટનો સટ્ટો લેતા કેશોદ અને જૂનાગઢના 8 સટોડિયાઓને પકડી પાડ્યા છે. પોલીસે રોકડ રૂપિયા 8,86,850 કરતા વધુના મુદ્દામાલ સાથે ઝડપી પાડીને ક્રિકેટ સટ્ટાકાંડનો ખુલાસો કર્યો છે.

આ પણ વાંચો :Ahmedabad Crime : માધવપુરામાં ઇન્ટરનેશનલ સટ્ટા કૌભાંડ તપાસ માટે એસઆઈટીની રચના, દુબઇ બેઝ ટીમ કરતી હતી વેપલો

કેવી રીતે રમાતો સટ્ટો :ઓનલાઇન એપ્લિકેશન મારફતે ક્રિકેટ સટ્ટાનો ખુલાસો જુનાગઢ લોકલ ક્રાઈમ બ્રાન્ચે કર્યો છે. વંથલી નજીક ભુપત મેર નામનો શખ્સ તેના ખેતરમાં ક્રિકેટ લાઈન ગુરુ નામની એપ્લિકેશન મારફતે ક્રિકેટનો સટ્ટો રમાડતો હતો. તો બીજી તરફ કેશોદના દિવ્યેશ કિરણ ભાવેશ સહિત અન્ય બે આરોપીઓ ગોલ્ડી ટીવી એપ્લિકેશન મારફતે IPL 2023 પર રમાઈ રહેલી મેચોમાં રન ઓવર બોલ અને હાર જીત પર ઓનલાઇન સટ્ટો રમાડી રહ્યા હતા જેનો પોલીસે પર્દાફાશ કર્યો છે.

આ પણ વાંચો :Cricket Betting Racket : મહેસાણા SOGએ આંતરરાષ્ટ્રીય ક્રિકેટ સટ્ટો રમાડવાનું રેકેટ ઝડપ્યું

બે આરોપીઓ પોલીસ પકડથી બહાર : સટ્ટા કાંડમાં હાર જીતની રકમ કેશોદના ઇમરાન પઠાણને હવાલા મારફતે રોકડનો આંગળીયા કરીને પૈસાની લેતી દેતી કરતો હતો. સમગ્ર મામલામાં પોલીસે 6 શખ્સોની અટકાયત કરી છે. અન્ય બે આરોપીઓ હજી પોલીસ પકડની બહાર છે, ત્યારે પોલીસે ફરાર બંને આરોપીને પકડી પાડવા તેમજ સમગ્ર સટ્ટાકાંડનો તાર જુનાગઢ બહાર ક્યાં જોડાયેલા છે. તેને લઈને લોકલ ક્રાઈમ બ્રાન્ચ જુનાગઢ તપાસ કરી રહી છે.