ભેસાણ તાલુકા પંચાયતમાં કોંગ્રેસ સત્તા સંભાળે તે પહેલાં બે સભ્યોએ ધારણ કર્યો કેસરીયો

ચૂંટણી પૂર્વે જૂનાગઢ જિલ્લાની ભેસાણ તાલુકા પંચાયત રાણપુર અને ગળથ બેઠકના કોંગ્રેસમાંથી ચૂંટાયેલા સભ્યોએ શનિવારે ભાજપનો કેસરીયો ખેસ ધારણ કરી લેતા બહુમતીમાં જોવા મળતી કોંગ્રેસ લઘુમતીમાં મુકાઈ ગઈ છે. આવનારા દિવસોમાં ભેસાણ તાલુકા પંચાયત પર ભાજપનું શાસન જોવા મળશે.

• કોંગ્રેસમાંથી ચૂંટાયેલા બે સભ્યોએ ધારણ કર્યો કેસરીયો ખેસ
• આગામી દિવસોમાં સ્થપાશે ભાજપનું શાસન
• ગળથ અને રાણપુર બેઠકના સભ્યો ભાજપમાં જોડાયા
• ચૂંટણી પરિણામો બાદ બહુમતીમાં જોવા મળતી કોંગ્રેસ ચૂંટણી પરિણામો બાદ લઘુમતીમાં મુકાઈ

જૂનાગઢ: જિલ્લાની ભેસાણ તાલુકા પંચાયતમાં મત ગણતરી પૂર્ણ થઈ હતી. જેમાં કોંગ્રેસ મત ગણતરીના અંતે બહુમતીને જોવા મળતી હતી, પરંતુ મતગણતરી પૂર્ણ થયાને ત્રણ દિવસ જેટલો સમય વિતતા મંગળવારે બહુમતીમાં જોવા મળતી કોંગ્રેસ શુક્રવારે ભેસાણ તાલુકા પંચાયતમાં લઘુમતીમાં મુકાતી જોવા મળી રહી છે. ભેસાણ તાલુકા પંચાયતના ગળથ અને રાણપુર 2 બેઠકના સદસ્યો કોંગ્રેસનો હાથ છોડીને ભાજપમાં જોડાઈ જતા સત્તા સુધી પહોંચેલી કોંગ્રેસ હવે ભેસાણ તાલુકા પંચાયતમાં આગામી દિવસોમાં વિરોધમાં બેસશે તેવું સ્પષ્ટ જણાઈ રહ્યું છે.

આ પણ વાંચો:જૂનાગઢની વંથલી તાલુકા પંચાયત કબજે કરવાનો BJPનો દાવો કોંગ્રેસે નકાર્યો

કોંગ્રેસનું શાસન આવે તે પહેલા સદસ્યો ભાજપ તરફી

ભેસાણ તાલુકા પંચાયતની 16 બેઠકો પર મતગણતરી કરવામાં આવી હતી. જેમાં સાત બેઠકો પર ભાજપના ઉમેદવાર અને 9 બેઠકો પર કોંગ્રેસના ઉમેદવાર ચૂંટણી જીતવામાં સફળ રહ્યા હતા. મતગણતરી બાદ લાગતું હતું કે, ભેસાણ તાલુકા પંચાયતમાં કોંગ્રેસ સત્તાના સૂત્રો સંભાળશે, પરંતુ રાણપુર બે બેઠકના કોંગ્રેસના સદસ્ય દિલુભાઈ વાંક અને ગળથ બેઠકના રવજીભાઈ ઠુમ્મરે કેસરીયો ખેસ ધારણ કરી લેતાં કોંગ્રેસની આશા મનની મનમાં રહેતી જોવા મળી શકે છે.