જૂનાગઢમાં ગાજવીજ સાથે ધોધમાર વરસાદ

જૂનાગઢઃ શહેરમાં ધોધમાર વરસાદનું આગમન થયું છે. વીજળીના ચમકારા અને પવનના સુસવાટા સાથે જૂનાગઢ શહેરમાં ધોધમાર વરસાદ વરસતા સમગ્ર શહેરમાં જળબંબાકારની સ્થિતિ સર્જાઇ હતી.

જૂનાગઢ શહેરમાં શ્રાવણ બાદ ભાદરમાં પણ સારો વરસાદ વરસી રહ્યો છે. શુક્રવારે જૂનાગઢ શહેરના વાતાવરણમાં અચાનક પલટા સાથે ધોધમાર વરસાદ તૂટી પડયો હતો. વરસાદની સાથે સુસવાટા મારતા પવનો અને વીજળીના ચમકારા સાથે વરસાદ વરસવાનું શરુ થયુ હતું.

ભારે વરસાદના કારણે જૂનાગઢ શહેરના માર્ગો પર વરસાદી પાણી ફરી વળ્યું હતું. હવામાન વિભાગ દ્વારા પણ જુનાગઢમાં ભારે વરસાદની આગાહી કરાઈ છે, ત્યારે આજે જૂનાગઢ શહેરમાં અચાનક ધોધમાર વરસાદ તૂટી પડ્યો હતો.