જામનગરમાં રાહુલ ગાંધીના જન્મ દિવસની સાદાઈથી ઉજવણી, રક્તદાન કરી સમાજમાં સંદેશો આપ્યો

જામનગર: કોંગ્રેસ અધ્યક્ષ રાહુલ ગાંધીનો 50મો જન્મદિવસ વૃક્ષારોપણ તેમજ રક્તદાન અને વૃદ્ધાશ્રમમાં વૃદ્ધોને જમાડી સાદાઈથી ઉજવવામાં આવ્યો હતો.

જામનગરમાં લીમડા લાઈનમાં આવેલ કોંગ્રેસ કાર્યાલય ખાતે રક્તદાન કેમ્પ યોજવામાં આવ્યો હતો. જેમાં મોટી સંખ્યામાં કોંગી કાર્યકર્તાઓએ રક્તદાન કર્યું હતુ અને બપોરે વૃદ્ધાશ્રમમાં વૃધ્ધોને જમાડવામાં આવ્યા હતા. સાથે અનેક જગ્યાએ વૃક્ષારોપણ પણ કરવામાં આવ્યા હતા.

કોંગ્રેસના કાર્યકર્તાઓ દ્વારા દેશભરમાં કોંગ્રેસ અધ્યક્ષ રાહુલ ગાંધીનો જન્મ દિવસ ઉજવવામાં આવી રહ્યો છે. ત્યારે જામનગર કોંગ્રેસ દ્વારા પણ અનોખી રીતે જન્મ દિવસની ઉજવણી કરવામાં આવી હતી. આ પ્રસંગે ખંભાળિયાના ધારાસભ્ય વિક્રમભાઈ માડમ, મુળુભાઇ કંડોરીયા અને કર્ણદેવ સિંહ સહિતના કોંગ્રેસના અગ્રણીઓ હાજર રહ્યા હતા.