જામનગર NSUI દ્વારા વિદ્યાર્થીઓને વેલકમ પાર્ટીમાં વૃક્ષોનું વિતરણ કરાયું

જામનગરઃ NSUI દ્વારા શહેરની મહિલા કોલેજ તથા હરિયા કોલેજમાં F.Yમાં દાખલ થયેલા વિદ્યાર્થીઓ માટે વેલકમ પાર્ટીનું આયોજન કરવામા આવ્યું હતું. જો કે, વેલકમ પાર્ટી મેગાસિટીમાં યોજાતી વેલકમ પાર્ટીથી અલગ રીતે કરવામા આવી હતી.

પ્રાપ્ત માહિતી મુજબ NSUI એ અઢી હજાર જેટલા વિદ્યાર્થીઓને વૃક્ષના રોપા આપીને આવકાર્યા છે. નવા વિદ્યાર્થીઓને NSUIના કોન્સેપ્ટ પસંદ આવ્યો હતો અને તેઓ પોતાના ઘરે એક વૃક્ષનું વાવેતર કરી અને તેનો ઉછેર કરશે.

NSUI દ્વારા વહેલી સવારથી જ તમામ કોલેજ ખાતે વિદ્યાર્થીઓને વૃક્ષોનું મહત્વ અને પર્યાવરણને બચાવા માટે વૃક્ષો આવશ્યક છે તેવું સમજાવામા આવ્યુ હતું. જામનગર શહેરમાં વૃક્ષોની સંખ્યા ખૂબ ઓછી છે. જોકે જામનગર શહેરના રાજમાર્ગોના નામ પણ વૃક્ષોના નામ પરથી રાખવામાં આવ્યા છે. જામનગરમાં saru section road saru નામના વૃક્ષ પરથી રાખવામાં આવ્યું છે.