ગણેશ વિસર્જન વખતે યુવકનું બાલાચડી ખાતે દરિયામાં ડૂબી જવાથી મોત

જામનગર: ગણેશ વિસર્જન વખતે 45 વર્ષીય યુવક રાજેશભાઇ જેરામભાઈ ગીરનારી નામનો યુવક દરિયામાં ડૂબી જતાં મોત નીપજ્યું હતું. ખુશીનો માહોલ શોકમાં પલટાઇ જતા પરિવારજનો શોકમાં ગરકાવ થઇ ગયા હતા.

જામનગરમાં રહેતા 45 વર્ષીય યુવક રાજેશભાઈ જેરામભાઇ ગીરનારી બપોરના સમયે પોતાના મિત્ર મંડળ સાથે બાલાચડી દરિયાકિનારે ગણેશ વિસર્જન માટે ગયા હતા. ગણેશ વિસર્જન કર્યા બાદ સ્નાન કરતી વખતે એકાએક દરિયામાં ડૂબી ગયા હતા. અને તેમના મિત્રો તમને ઘાયલ અવસ્થામાં જાંબુડા સરકારી દવાખાને લઈ ગયા હતા. જો કે, ત્યાં ડોક્ટરે સારવાર આપી તેને જામનગર જી.જી હોસ્પિટલ ખાતે ખસેડયા હતા. ડોક્ટર્સ એ તેમને મૃત જાહેર કર્યા હતા. પરિવારજનો શોકમાં ગરકાવ થઈ ગયા હતા.