આર્મી, નેવી અને એરફોર્સ દ્વારા કારગિલ વિજય દિવસ નિમિત્તે લાખોટા તળાવ ખાતે સાંજે 6 વાગ્યે બેન્ડ કોન્સર્ટનું આયોજન કર્યુ હતું. જેમાં મોટી સંખ્યામાં જામનગર વાસીઓ હાજર રહ્યા હતા.
આ સાથે જ દેશભક્તિના ગીતોથી કારગિલ યુદ્ધમાં શહીદ જવાનોને શ્રદ્ધાંજલિ આપવામાં આવી હતી. 26 જુલાઇએ કારગિલ યુદ્ધના 20 વર્ષ પૂર્ણ થવાના હોવાથી દેશભરમાં કારગિલ વિજય દિવસ મનાવવામાં આવશે. આ કાર્યક્રમમાં આર્મી, નેવી અને એરફોર્સના જવાનો અને ઓફિસર હાજર રહ્યા હતા. મહાનગરપાલિકા કમિશ્નર સતીશ પટેલ અને મેયર હસમુખ જેઠવા પણ કાર્યક્રમમાં ઉપસ્થિત રહ્યા હતા. જામનગરવાસીઓ દેશભક્તિના રંગે રગાયા હતા.