જામનગરમાં અયોધ્યા રામ મંદિર ચુકાદા પર શાંતિ જાળવવા તંત્રની લોકોને અપીલ

જામનગર: અયોધ્યા રામ મંદિર ચુકાદા મામલે જામનગરમાં જિલ્લા કલેકટર દ્વારા પત્રકાર પરિષદ યોજવામાં આવી હતી. જેમાં કેલેક્ટરે કોઈ અનિચ્છનિય બનાવ ન બને તે માટે જનતાને અપિલ કરી છે.

જામનગરમાં અયોધ્યા રામ મંદિર ચુકાદાને લઈ કલેક્ટર દ્વારા પત્રકાર પરિષદ યોજવામાં આવી હતી. ચુકાદાને લઇને જિલ્લાભરમાં ચાપતો બંદોબસ્ત ગોઠવવામાં આવ્યો છે. શહેરના 15 જેટલા સંવેદનશીલ વિસ્તારમાં ફ્લેગ માર્ચ કરવામાં આવી રહી છે.

જ્યારે SRP અને પોલીસની ટીમો દ્વારા સતત પેટ્રોલિંગ પણ કરવામાં આવી રહ્યું છે. સોશિયલ મિડીયાનો દુરઉપયોગ ન કરવા યુઝર્સને અપીલ કરવામા આવી છે. સાથે સાથે જામનગર શહેરમા કોઇ અનિચ્છનીય ઘટના ન બને તેની તકેદારી રાખવામાં આવી રહી છે. તંત્ર દ્વારા ખાસ કવિક રિસ્પોન્સ ટીમની રચના કરવામાં આવી છે. આ સાથે એક ખાસ ફોર્સ ગાંધીનગરથી બોલાવવામાં આવી છે.