- સોમનાથ દાદાના 47 દેશોના લોકો કરે છે દર્શન
- સોશ્યલ મીડિયામાં 6.50 લોકો દર્શન કરે છે ભક્તો
- કેન્દ્ર સરકારની ટીમે લીધી સોમનાથ મંદિરની મૂલાકાત
ગીર-સોમનાથ:વિશ્વ પ્રસિધ્ધ ભારતના બાર જયોતિલિંગ માંથી પ્રથમ ભગવાન સોમનાથ મહાદેવ મંદિર વિશ્વના 47થી પણ વધુ દેશોમાં સોશ્યલ મીડિયા દ્વારા દર્શન કરાય છે અને દર મહિને સોશ્યલ મીડિયા પર 6.50 કરોડ મુલાકાતીઓ સોમનાથ દાદાના દર્શન કરી રહ્યા છે.
કરોડો ભક્તો કરે છે દાદાના દર્શન
વિક્રમજનક શિવભકતોના પ્રતિસાદ અંગે સોમનાથ ટ્રસ્ટના ટ્રસ્ટી પ્રવિણભાઈ લહેરીએ જણાવ્યું હતું કે સોશ્યલ મીડિયા ઉપર દર મહિને 6.50 કરોડ મુલાકાતીઓ સાથે આ વિક્રમસંખ્યાને ગીનીસ બુક ઓફ વર્લ્ડમાં સ્થાન મળે તે માટે કાર્યવાહી શરૂ થઈ ચુકી છે.એટલું જ નહીં તેઓના જણાવ્યા અનુસાર તા.2 જૂલાઈએ તેઓએ વડાપ્રધાન નરેન્દ્ર મોદી તથા ટ્રસ્ટી અમિત શાહને રૂબરૂ દિલ્હી ખાતે મળી વિનંતિ કરી છે કે સમુદ્ર દર્શન માર્ગ અને નવીનીકરણ થયેલ માતોશ્રી અહલ્યાદેવી મંદિર અને મંદિર શિલ્પ સ્થાપત્યના આગવી રીતે રજૂ કરતા સંગ્રાહલય-મ્યુઝિયમ લોકાપર્ણ કરવા તેઓ સમય ફાળવે જેમાં તેઓ રૂબરૂ શકય નહીં બને તો વર્ચ્યુઅલ લોકાપર્ણ કરે.