ગીર સોમનાથની સરસ્વતી નદીમાં પુર આવતા બીજી વખત નદીમાં જલમગ્ન માધવરાયજી

ગીર સોમનાથ: જિલ્લામાં સર્વત્ર મેઘરાજાની મહેર થઈ છે. તો બીજી ઇનિંગમાં વરુણ દેવે સમગ્ર જિલ્લાને વરસાદથી તરબોળ કર્યો છે. જેને પગલે જિલ્લાના નદી-નાળા પણ છલકાઈ ગયા છે. સાથે જીવાદોરી સમાન હિરણ ડેમ પણ છલકયો છે. મેઘરાજાની સવારીથી સરસ્વતી નદીના કિનારે આવેલા માઘવરાયજી મંદિરનો પણ આ વર્ષમાં બીજી વખત પાણીમાં ગરકાવ થયું છે. દર વર્ષે ચર્તુમાસ દરમિયાન ભગવાન પાણીમાં બીરાજતા હોય છે. જેને લોકો દૂરથી જ નિહાળે છે. માધવરાય પ્રભુનો જલવિહાર આ વર્ષમાં પ્રથમવારમાં જ મંદિર પાણીમાં ગરકાવ થયું છે.

જિલ્લામાં પ્રથમ વરસાદ બાદ બીજા નોંધપાત્ર વરસાદ માટે ઘણી રાહ જોયા બાદ મેઘરાજાનું આગમન થયું છે. ગીર સોમનાથ જિલ્લામાં છેલ્લા 3 દિવસથી ભારે વરસાદ આવતા નદી-નાળા અને વોકળા છલકાયા છે. ત્યારે ગીર પંથકમાં આવેલી સરસ્વતી નદીમા પૂર આવતા અતિપ્રાચીન એવા પ્રાચીતીર્થમાં બીરાજમાન સુપ્રસિદ્ધ માધવરાયજી ભગવાનનું મંદિર ચાલુ વર્ષમાં બીજી વખત પાણીમાં ગરકાવ થયું છે.

ગીરસોમનાથનું મધવરાયજીનું પ્રાચીતિર્થ મંદિર સરસ્વતી નદીમાં થયુ જલમગ્ન જો કે આ પ્રથમ વખત બનેલી ઘટના નથી. સરસ્વતી નદીના કાંઠે આવેલ માધવરાયજીનું મંદિર નદીના તળથી થોડું જ ઊંચું છે. જેને પગલે નદીમા ઘોડાપુર આવતા મંદિરમા સરસ્વતી નદી જ માધવરાયને સ્નાન કરાવતી હોઈ તેવી પ્રતિકૃતિ રચાઈ છે.

સુત્રાપાડાના પ્રાચીતિર્થ ખાતે બિરાજમાન માધવરાય ભગવાન 3 થી 4 ફૂટ પાણીમાં ગરકાવ થઈ ગયા છે. જેના કારણે ભાવિકો ભગવાનના દર્શન નહીં કરી શકે. સરસ્વતિ નદીના કિનારે આવેલું પ્રાચીતિર્થ આશરે 5000 વર્ષ જૂનું માનવામાં આવે છે. પ્રાચીતિર્થમાં બિરાજમાન માધવરાય ભગવાન સરસ્વતી નદીના કાંઠે નીચે બિરાજે છે. જેના કારણે દરવર્ષે ચતુર્માસ દરમિયાન મોટા ભાગે ભગવાન માઘવરાય પાણીમાં જ બીરાજમાન હોય છે. તો જેમ જેમ વરસાદ વધશે તેમ માધવરાઈનું મંદિર વધુને વધુ પાણીમાં સમાઈ જશે. જો કે એક સમયે માત્ર માધવરાઈ મંદિરનું શિખર જ માત્ર દેખાશે. આમ લોકો માધવરાયજી મંદિરના દર્શન નહીં કરી શકે. પરંતુ શ્રીકૃષ્ણની જળ ક્રીડાના દિવ્ય દ્રશ્યનો લ્હાવો અચૂક લઈ શકશે.