ગાંધીનગર વડાપ્રધાન નરેન્દ્ર મોદી દ્વારા આજે ગાંધીનગરમાં PATH TO PRIDE ની થીમ પર ડિફેન્સ એક્સપો 2022 નું (DefExpo 2022 in Gandhinagar )ઉદ્ઘાટન કરવામાં આવ્યું છે ત્યારે ગાંધીનગરના એક્ઝિબિશન સેન્ટર ખાતે મેડ ઇન ઇન્ડિયા એટલે કે ભારતીય બનાવટના શસ્ત્રોનું પ્રદર્શન રાખવામાં આવ્યું છે.અહીં એવી ગન જોવા મળી જે ભારતીય સેના ( Indian Army ) દ્વારા જ એક ખાસ ગન ત્રિશૂલ ઓટોમેટિક ગન ( Trishul automatic guns ) તૈયાર કરવામાં આવી છે જે સંપૂર્ણ ઓટોમેટિક છે અને જો દુશ્મન તેના રડારમાં આવે તો તે ગન પોતાની જાતે જ ટાર્ગેટ સેટ કરીને દુશ્મનને ઢાળી નાખશે.
શું છે ત્રિશૂલ ઓટોમેટિક ગન ત્રિશૂલ ઓટોમેટિક ગન ( Trishul automatic guns ) બાબતે ડિફેન્સના અધિકારી પારસ કંવર ETV ભારત સાથેની ખાસ વાતચીતમાં જણાવ્યું હતું કે આ એક રોબોટિક ગન તૈયાર કરવામાં આવી છે અને સેન્સરથી આગળ કામ કરે છે. જ્યારે આ ગનમાં કોઈ પણ વ્યક્તિને ઓપરેટર તરીકે રાખવામાં આવતા નથી. 300 મીટર સુધીની રેન્જમાં કોઈપણ દુશ્મન આવે છે તો ઓટોમેટીક ગનમાંથી ફાયરિંગ શરૂ થાય છે અને દુશ્મનનો ખાતમો બોલાવાય છે. ગન પોતાની રીતે જ ટાર્ગેટ સેટ કરે છે. મહત્વની વાત કરવામાં આવે તો આ જે ગંન તૈયાર કરવામાં આવી છે તેમાં માનવ પશુપક્ષી અને ગાડી એમ વસ્તુઓ ડિટેક્ટ પણ થાય છે અને ત્યારબાદ જ ટાર્ગેટને ફાયરિંગ કરવામાં આવે છે. જ્યારે પ્રાથમિક તબક્કામાં આગળ 300 મીટરની રેન્જમાં કાર્યરત રાખવામાં આવી છે.