ગુજરાતના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તારીખ ૨૯ જુલાઇ ૨૦૧૯ના રોજ સવારે છ કલાકે પુરા થતાં ૨૪ કલાક દરમિયાન ઉત્તર ગુજરાતના બનાસકાંઠા જિલ્લાના થરાદમાં ૧૭૧ મી.મી. એટલે સાત ઇંચ અને દિયોદર તાલુકામાં ચાર ઇંચથી વધુ વરસાદ વરસ્યો છે. સુરતના ઉમરપાડામાં ૯૬ મી.મી., વલસાડના કપરાડામાં ૮૧ મી.મી., ડાંગમાં ૭૯ મી.મી., સાબરકાંઠાના હિંમતનગરમાં ૬૩ મી.મી. અને ભરૂચના નેત્રાંગમાં ૫૧ મી.મી. એટલે કે બે ઇંચથી વધુ વરસાદ વરસ્યો હોવાના અહેવાલો છે.
દક્ષિણ ગુજરાત અને ઉત્તર ગુજરાતમાં મેઘમહેર, 168 તાલુકાઓમાં નોંધપાત્ર વરસાદ બનાસકાંઠા જિલ્લાના લાખણીમાં ૪૫ મી.મી., તાપીના સોનગઢમાં ૪૨ મી.મી., કચ્છના ભચાઉમાં ૩૯ મી.મી., સાબરકાંઠાના પોસીનામાં ૩૬ મી.મી., બનાસકાંઠાના ભાભરમાં ૩૫ મી.મી. અને કાંકરેજમાં ૩૪ મી.મી., ડાંગના વઘઇમાં ૩૧ મી.મી., જૂનાગઢના કેશોદ અને નર્મદાના તિલકવાડામાં ૩૦ મી.મી., અરવલ્લીના મેઘરજ, ભરૂચના વાલીયા અને નમર્દાના ગરૂડેશ્વરમાં ૨૯ મી.મી., અંકલેશ્વરમાં ૨૮, વિજાપુર, કવાંટ અને ઉચ્છલમાં ૨૭, સુરત શહેરમાં ૨૬, ઇડર અને ડેડીયાપાડામાં ૨૪ મી.મી. એમ મળી કુલ ૧૮ તાલુકાઓમાં એક ઇંચથી વધુ અને બે ઇંચથી ઓછો વરસાદ વરસ્યો હોવાના અહેવાલો છે.
રાજ્યના ૨૮ તાલકાઓમાં અડધા ઇંચથી એક ઇંચ જેટલો વરસાદ વરસ્યો છે, જેમાં દાહોદ, સાગબારા, વાલોદ, સતલાસણા, ધરમપુર, સૂઇગામ, લીમખેડા, બારડોલી, વડગામ, ખેરાલુ, માંડવી(સુરત), વંથલી, હાંસોટ, કામરેજ, બોડેલી, માંગરોળ, ખેરગામ, વાંકાનેર, વિસાવદર, વ્યારા, ચોટીલા, જાંબુઘોડા, વાગરા, ડિસા, જામનગર, ભેંસાણ, ખાંભા, નડિયાદ અને ઝગડિયા તાલુકાનો સમાવેશ થાય છે. જ્યારે રાજ્યના ૧૧૦ તાલુકાઓમાં અડધા ઇંચથી ઓછો વરસાદ વરસ્યો છે.
