ગાંધીનગરઃ મુખ્યપ્રધાન વિજય રૂપાણીએ 8 મહાનગરોમાં જે વિસ્તારોમાં કોરોના સંક્રમિત વ્યકિતઓની સંખ્યા વધારે છે તેવા હોટસ્પોટ જાહેર થયેલા વિસ્તારમાં લોકોનું સંપૂર્ણ સ્કીનીંગ અને સર્વેલન્સ થાય તેવી સ્પષ્ટ સૂચનાઓ આપી હતી. તેમણે કહ્યું કે, શાકમાર્કેટ, કરિયાણા સ્ટોર્સ જેવા સોશિયલ ગેધરીંગવાળા સ્થળોએ લોકો ભેગા ન થાય તે માટે શહેરી સત્તાતંત્રો દ્વારા હોમ ડિલીવરી-ડોર ડીલીવરીનું વ્યવસ્થિત પ્લાનીંગ ગોઠવાય તો સોશિયલ ડિસ્ટન્સીંગ જળવાશે અને લોકો પણ ઘરમાં જ રહેશે.
CM રૂપાણીએ 8 મહાનગરના મેયર, કમિશનર, સ્ટેન્ડિંગ કમિટી ચેરમેન સાથે VC કરી સ્થિતિનો તાગ મેળવ્યો મુખ્યપ્રધાને અમદાવાદ, રાજકોટ, સૂરત, વડોદરા જેવા મહાનગરોમાં જ્યાં કોરોના પોઝિટિવ કેસ વધુ પ્રમાણમાં છે ત્યાંના સ્થાનિક તંત્રવાહકો સાથે તેમને હાથ ધરેલા સર્વેલન્સ, કવોરેન્ટાઇન ફેસેલીટિઝ, સેનિટાઇઝેશન સહિતના પગલાંઓની ગહન ચર્ચા કરી હતી. મુખ્યપ્રધાને મહાનગરોના મેયર-મ્યુનિસિપલ કમિશનર મળીને વધુમાં વધુ 10 વ્યકિતઓનું ગ્રુપ બનાવી શહેરની સ્થિતિની સમીક્ષા તથા જરૂરી વ્યવસ્થાઓ-સૂચનો માટે નિયમીતપણે વિડીયો-ઓડિયો સંવાદ ટેકનોલોજીના ઉપયોગથી કરે તેવું સૂચન કર્યુ હતું.
CM રૂપાણીએ 8 મહાનગરના મેયર, કમિશનર, સ્ટેન્ડિંગ કમિટી ચેરમેન સાથે VC કરી સ્થિતિનો તાગ મેળવ્યો રૂપાણીએ જણાવ્યું કે આરોગ્ય સેતુ એપ જે કેન્દ્ર સરકારે ડેવલપ કરી છે તે એપ પણ આવા શહેરીક્ષેત્રના નાગરિકો બહોળી સંખ્યામાં ડાઉનલોડ કરે તેવી જાગૃતિ માટે મહાનગરપાલિકાના તંત્રએ સઘન પ્રયાસો કરવા જોઇએ. આ એપને પરિણામે આપણી આસપાસના કોરોના સંક્રમિત કે લક્ષણો ધરાવતી વ્યકિત-વિસ્તારની માહિતી મોબાઇલમાં તૂરત જ આવી જતી હોવાથી તકેદારીના પગલાં સ્વયં લઇ શકાય છે. જે મહાનગરોએ મોબાઇલ કલીનીકની વ્યવસ્થાઓ ઊભી કરી છે તે મોબાઇલ કલીનીક શહેરના અલગ-અલગ વિસ્તારોમાં જઇને સારવાર-સુશ્રુષા માટે ઉપયોગી બને તે અંગે પણ સૂચન કર્યુ હતું. તેમણે સર્વેલન્સ કરવા જતા આરોગ્યકર્મીઓ ઉપર હૂમલાની ઘટનાઓ સામે સરકાર કડકાઇથી પેશ આવશે તેવો નિર્દેશ આપવા સાથે જે તે વિસ્તારના સ્થાનિક આગેવાનો સર્વેલન્સમાં હેલ્થ સ્ટાફ સાથે જોડાય તો સર્વેલન્સ સ્ટાફને સલામતી અને સરળતા રહેશે તેવો અનુરોધ કર્યો હતો. વિજયભાઇ રૂપાણીએ મહાનગરોમાં વસતા નિરાધાર, વૃદ્ધ, નિ:સહાય એકલવાયું જીવન જીવતાં વ્યકિતઓ, શ્રમિકોને ભોજન-ફૂડ પેકેટસ પહોચાડવા સ્થાનિક સ્વૈચ્છિક સંગઠનો જાય છે તેના સ્થાને મહાપાલિકા દ્વારા કોઇ સેન્ટ્રલાઇઝડ વ્યવસ્થા થાય તે જોવાની પણ પ્રવર્તમાન સ્થિતિમાં તાકીદ કરી હતી. મુખ્યપ્રધાનના મુખ્ય અગ્રસચીવ કૈલાસનાથન, શહેરી વિકાસના અધિક મુખ્ય સચીવ મૂકેશ પૂરી તેમ જ મુખ્યપ્રધાનના અગ્ર સચીવ મનોજકુમાર દાસ આ વિડીયો કોન્ફરન્સમાં જોડાયાં હતાં.
