હવામાન ખાતાની આગાહી તેમજ બેટ-દ્વારકા આવતા શ્રદ્ઘાળુઓના જાનમાલની સુરક્ષાના હેતુસર ઓખા મેરીટાઇમ બોર્ડ દ્વારા ઓખા બેટ દ્વારકા વચ્ચે ચાલતી ફેરી બોટ સર્વિસને બંધ કરાઈ છે.
દ્વારકાથી 30 કિલોમીટર દૂર આવેલા યાત્રાધામ બેટ દ્વારકામાં ઓખાથી બોટ દ્વારા દરિયાઈ માર્ગે બેટ-દ્વારકા જઈ શકાય છે. બેટ દ્વારકામાં ભગવાન શ્રીકૃષ્ણનું મંદિર આવેલું છે. દર વર્ષે હજારો યાત્રાળુઓ અહીં દર્શન કરવા આવે છે.
આ નિર્ણયને પગલે ગુજરાત બહારથી આવેલા યાત્રાળુઓ યાત્રાધામ બેટ દ્વારકાના દર્શન કર્યા વગર જ પાછા ફર્યા હતા. ગુજરાત મેરીટાઇમ બોર્ડના અધિકારીઓના જણાવ્યા અનુસાર વાતાવરણમાં સુધારો આવતા ફેરી બોટ ફરીથી શરૂ કરવામાં આવશે.
