ભારતના મોટા ભાગના રાજ્યોના યુવાનોની સાથે સાથે ગુજરાતના યુવાનો પણ દેશની સેવા માટે સરહદ પર જીવજોખમે દેશની રક્ષા કરે છે.નસીબદાર યુવાનો દેશમાટે શહિદ થતા હોય છે. આ સાથે જ પોતાનું,પરિવારનું અનેસાથે દેશનુંનામ રોશન કરે છે.
ભારત ત્રણ દિશમાં સમુદ્ર અને એક દિશામાં જમીની સરહદથી ઘેરાયેલો દેશ છે. નેવી ,એર ફોર્સ સાથે આર્મીના જવાનો પણ દેશની સેવા કરે છે.
ભારતીય આર્મીમાં 17વર્ષ પૂર્ણ કરીને પોતાની સંપૂર્ણ જવાબદારી નિભાવીને એક ફોજી જવાન જયારે નિવૃત થઇનેમાદરે વતન પરત ફરે છે.ત્યારે તેના પરિવારની સાથે તેના ગામના તમામ લોકો પણ ગર્વ કરીતેનું ભવ્ય સ્વાગત કરે છે.
દ્વારકા તાલુકાના કલાણપર ગામના યુવાન લાખા રોશિયા આજે પોતાની 17વર્ષની ભારતીય આર્મીની નોકરી પૂર્ણ કરી અને પોતાના ઘરે પરત ફર્યા, ત્યારે દ્વારકા તાલુકાના મીઠાપુર રેલ્વે સ્ટેશને લાખાભાઈ રોશિયાનો પરિવાર ખુશીની સાથે ભાવવિભોર બન્યો હતો.આવા ભાવ-વિભોર દ્રશ્ય જોઇને સ્થાનિક લોકો પણ ખુબજ ભાવુક બન્યા હતા. લાખાનું સ્વાગત ગ્રામજનો અને આ સાથે જપહેલા આર્મીમાંથી નિવૃત થઇને આવ્યા હતા તેઓએ પણ લાખાભાઈના સ્વાગતમાં જોડાયા હતા.