ગુજરાત રાજ્યનું ચેરાપુંજી ગણાતાં ડાંગ જિલ્લામાં આજે સાર્વત્રિક રીતના ધોધમાર વરસાદ વરસી જવા પામ્યો હતો. સવારથી જ ચાલું થયેલ ધોધમાર વરસાદને પગલે ઠેર-ઠેર નદી-નાળા પાણીથી છલોછલ ભરાઈ ગયા હતા. આ સાથે જ ખેતરોમાં પણ પાણી ફરી વળ્યું હતું. જેના લીધે બીજ ધોવાણની સ્તિથી સર્જાઈ હતી. ડાંગ જિલ્લામાં હાલ વાવણીના દિવસો ચાલી રહ્યા છે ત્યારે આજે સતત વરસાદ ચાલુ રહેતાં વાવણી થઈ શકી નહોતી. મગફળી તેમજ અન્ય બીજ રોપવાના બાકી રહી ગયા હતા. ધરતીપુત્રોના જણાવ્યાં અનુસાર વરસતા વરસાદ માં વાવણી કરવી મુશ્કેલ હોય છે.
ડાંગ જિલ્લામાં સાર્વત્રિક મેઘમહેર, ખેતરોમાં બીજ ધોવાણથી ખેડૂતો ચિંતાતુર