ડાંગ જિલ્લાની 2 અને તાલુકાની 1 બેઠક ઉપર ભાજપ ઉમેદવાર બિનહરીફ

આહવામાં 2 જિલ્લા પંચાયત સીટ અને દગડીઆંબા જિલ્લા પંચાયત સીટમાં કોંગ્રેસી ઉમેદવારે ફોર્મ ખેંચી લેતા બન્ને બેઠકો પર ભાજપ બિનહરીફ જાહેર થતા ડાંગ જિલ્લા કોંગ્રેસનાં સુપડા સાફ થવાના એંધાણ વર્તાય રહ્યા છે.

• ડાંગ જિલ્લામાં 3 બેઠક બિનહરીફ
• ડાંગ જિલ્લાની સીટ આહવા-2 અને દગડીઆંબા સીટ ઉપર કોંગ્રેસ ઉમેદવારે ફોર્મ પરત લીધા
• ડાંગમાં સ્થાનિક સ્વરાજ્યની ચૂંટણી પહેલા કોંગ્રેસનો સફાયો

ડાંગ: ડાંગ જિલ્લામાં સ્થાનિક સ્વરાજ્યની ચૂંટણી પહેલા કોંગ્રેસનો સફાયો થયો હતો. જ્યારે સુબિર તાલુકા પંચાયતની દહેર બેઠક ઉપર કોંગ્રેસ ઉમેદવાર પુરાવાઓ સાબિત ન કરી શકવાના કારણે તેમનું ફોર્મ રદ કરવામાં આવ્યું હતું.

ડાંગમાં જિલ્લાની 2 અને તાલુકાની 1 બેઠક ઉપર ભાજપ ઉમેદવાર બિનહરીફ

પ્રાપ્ત વિગતો અનુસાર જિલ્લાનાં મુખ્ય મથક આહવા-2 માં ભાજપના હેતલબેન શાંતારામભાઈ ચૌધરીની સામે કોંગ્રેસનાં કાશીબેન સુકીરાવ કુંવરે ફોર્મ ખેંચી લીધું હતું. જયારે દગડીઆંબા જિલ્લા પંચાયત સીટ ભાજપનાં નિર્મળાબેન એસ.ગાઈન સામે કોંગ્રેસી ઉમેદવાર વનીતાબેન લલીતચંદ્ર વાઘેરાએ ફોર્મ ખેંચી લેતા બન્ને જિલ્લા પંચાયત સીટ ભાજપે કબ્જે કરી લીધી છે. જેને પગલે સ્થાનિક સ્વરાજની ચૂંટણી પહેલા કોંગ્રેસ પાર્ટીમાં ભંગાણ સર્જાતા સુપડા સાફ થવાનાં એંધાણ સાથે રાજકીય માહોલ ગરમાયો છે.

ડાંગમાં જિલ્લાની 2 અને તાલુકાની 1 બેઠક ઉપર ભાજપ ઉમેદવાર બિનહરીફ

કોંગ્રેસ પોતાનું ખાતું પણ ખોલાવી શકશે નહીં

આ ઉપરાંત સુબિર તાલુકા પંચાયતની દહેર બેઠક ઉપર કોંગ્રેસ ઉમેદવાર પોતાની દાવેદારી ફોર્મમાં રહેઠાણનાં પુરાવાઓ રજૂ ન કરી શકવાના કારણે તેમનું ફોર્મ રદ્દ કરવામાં આવ્યું હતું. અહીં ભાજપ ઉમેદવાર બિન હરીફ તરીકે ચૂંટાઈ આવ્યાં હતાં. આજરોજ ત્રણ બેઠક ઉપર ભાજપનાં ઉમેદવારની બિન હરીફ તરીકે ચૂંટાઈ આવતાં ભાજપ પાર્ટીમાં ખુશીનો માહોલ સર્જાયો છે. આવનારા દિવસોમાં કોંગ્રેસ પાર્ટી ખાતું પણ ન ખોલી શકે તેવો દાવો ડાંગ ભાજપ પાર્ટી પ્રમુખ દશરથભાઈ પવાર, ધારાસભ્ય વિજયભાઈ પટેલ, માજી ધારાસભ્ય મંગળભાઈ ગાવીતે કર્યો છે. આગામી દિવસોમાં તાલુકા જિલ્લા પંચાયતમાં કોના હાથે શાસનની ધૂરા આવે છે તે જોવું રહ્યું.